مەملەكەت باسشىسى: الدا جاڭا كولىك-لوگيستيكا دالىزدەرىن قۇرۋ مىندەتى تۇر

None
None
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ بيزنەس-قۇرىلىمدار اراسىنداعى تىكەلەي بايلانىستاردى كۇشەيتۋ مەن جاڭا كولىك- لوگيستيكا دالىزدەرىن قۇرۋ مىندەتى تۋرالى ايتتى، دەپ حابارلايدى قازاقپارات ءتىلشىسى.

«الداعى ونجىلدىقتا قىتاي، ءۇندىستان، تاياۋ شىعىس، وڭتۇستىك جانە وڭتۇستىك-شىعىس ازيا مەملەكەتتەرى سياقتى ءداستۇرلى دوستاستىقتاعى ەلدەر ءبىزدىڭ ايماقتىڭ ەكونوميكاسىندا ءىرى ينۆەستورلار بولا الادى. قىتاي قازىردىڭ وزىندە قازاقستاننىڭ نەگىزگى ەكونوميكالىق جانە سىرتقى ساۋدا سەرىكتەسى بولىپ وتىر. بۇل ەل سوڭعى 15 جىلدا ءبىزدىڭ ەكونوميكاعا 21 ميلليارد دوللاردان استام ينۆەستيتسيا سالدى. سوندىقتان قىتايمەن كوپجاقتى ىنتىماقتاستىقتى تەرەڭدەتۋ - ءبىزدىڭ ەلىمىز ءۇشىن اسا ماڭىزدى مىندەت»، - دەدى قازاقستان پرەزيدەنتى پەتەربۋرگتەگى XXV حالىقارالىق ەكونوميكالىق فورۋمدا.

ق. توقايەۆتىڭ ايتۋىنشا، ساياسي ساتتەر عانا وزەكتى ەمەس، الدا بيزنەس-قۇرىلىمدار اراسىنداعى تىكەلەي بايلانىستاردى كۇشەيتۋ، جاڭا كولىك-لوگيستيكا دالىزدەرىن قۇرۋ مىندەتى تۇر.

«العا باستايتىن يننوۆاتسيالىق-تەحنولوگيالىق جوبالار پۋلىن جاساۋ، ۇزدىكسىز كولىك-لوگيستيكالىق تىزبەكتەردى قۇرۋ، ءتۇپتىڭ تۇبىندە جاھاندىق ەكونوميكانىڭ ءوسۋى ءۇشىن جاڭا مۇمكىندىكتەر قالىپتاستىرۋ بويىنشا بىرلەسكەن كۇش-جىگەردىڭ كەلەشەگى بار»، - دەدى مەملەكەت باسشىسى.

ايتا كەتەيىك، قاسىم-جومارت توقايەۆ پەتەربۋرگتەگى حالىقارالىق ەكونوميكالىق فورۋمعا قاتىسىپ جاتىر.

سوڭعى جاڭالىقتار