ە ە ا و اياسىنداعى ىنتىماقتاستىق الەۋەتىن كەزەڭ-كەزەڭمەن جۇزەگە اسىرۋ قاجەت – توقايەۆ
«ءبىزدىڭ كەزدەسۋىمىز ساياسي جانە ەكونوميكالىق قۇبىلمالىق ارتقان ەرەكشە جاعدايدا ءوتىپ جاتىر. پاندەميامەن جانە گەوساياسي شيەلەنىستىڭ ارتۋىمەن بايلانىستى جاھاندىق كۇيزەلىس جاڭا ناقتىلىققا الىپ كەلدى. جاھاندانۋدىڭ ورنىنا بارلىق قۇندىلىعىمەن جانە تابيعي كەمشىلىكتەرىمەن ايماقتاندىرۋ ءداۋىرى كەلدى. قالاي بولعاندا دا ءداستۇرلى ەكونوميكالىق مودەلدەر مەن ساۋدا باعدارلارىنىڭ قايتا فورماتتالۋ پروتسەسى جەدەلدەي ءتۇستى. الەم قارقىندى تۇردە وزگەرىپ جاتىر. وكىنىشكە وراي، كوپ جاعدايدا جاقسى جاعىنا قاراي ەمەس. كوپتەگەن ەلدەگى ينفلياتسيا ونداعان جىلدىق رەكوردقا جەتىپ، الەمدىك ەكونوميكا ءوسىمىنىڭ قارقىنى باياۋلاۋدا. ينۆەستيتسيا مەن رەسۋرستارعا باسەكەلەستىك وتكىرلەنە ءتۇستى»، - دەدى مەملەكەت باسشىسى.
ق ر پرەزيدەنتىنىڭ اتاپ وتۋىنشە، ەكونوميكالىق ءوسىمنىڭ تەجەۋشى فاكتورى كليماتتىڭ وزگەرۋى، ميگراتسيالىق اعىننىڭ ارتۋى، تەحنولوگيالىق وزگەرىستەردىڭ جەدەلدەۋى بولىپ تۇر.
بۇل پروتسەستەردىڭ ءبارى نازارىمىزدان تىسقارى ءوتىپ جاتقان جوق. جاڭا شىندىق جاعدايىندا الەمدىك ءتارتىپتىڭ قارقىندى وزگەرىپ جاتقان قۇرىلىمىن قاپەردە ۇستاعان ءجون.
«ءبىزدىڭ ءوڭىردىڭ ەلدەرى وسى قاتەرلەردىڭ بارىنە دۇرىس جاۋاپ تاۋىپ قويماي ودان بارىنشا پايدا تابۋى ماڭىزدى. سوندىقتان بىزگە ەۋرازيالىق ەكونوميكالىق وداق اياسىنداعى ىنتىماقتاستىقتىڭ بارلىق الەۋەتىن كەزەڭ-كەزەڭمەن جۇزەگە اسىرۋ قاجەت»، - دەدى قاسىم-جومارت توقايەۆ.
