احمەت بايتۇرسىن ۇلىنىڭ ءۇيى بۇزىلدى: قوستاناي اكىمدىگى جاعدايدى ءتۇسىندىردى

None
None
قوستاناي. قازاقپارات - قوستاناي وبلىسى اكىمدىگىنىڭ مادەنيەت باسقارماسى احمەت بايتۇرسىن ۇلى دۇنيەگە كەلدى دەلىنەتىن كىرپىش ءۇيدىڭ سۇرىلۋىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

بۇعان دەيىن احمەت بايتۇرسىن ۇلى تۋىپ- وسكەن دەپ بولجانعان جانگەلدى اۋدانىنداعى ءۇيدىڭ بۇزىلعانى جايلى اقپارات جاريالاعان بولاتىنبىز. بۇل تۋرالى قازاقپارات تىلشىسىنە وبلىستىق مادەنيەت باسقارماسى تۇسىنىك بەردى.

«بىرىنشىدەن، احمەت بايتۇرسىن ۇلى دۇنيەگە كەلگەن ءۇي بۇزىلعان جوق. ول ءۇي الدەقاشان تابيعات زاڭدىلىعىمەن قيراپ بىتكەن، - دەپ ءتۇسىندىردى ۆەدومستۆو باسشىسى ەرلان قالماقوۆ. - 2009 -جىلى جەرگىلىكتى قوعامداستىقتىڭ كۇشىمەن اعارتۋشى ءۇيىنىڭ ىرگەتاسى قالانعان جەردە قالپىنا كەلتىرۋ جۇمىسى جۇرگىزىلدى، ساماننان شاعىن ءۇي سالىندى. سودان بەرى ول ءۇي «احمەت بايتۇرسىن ۇلى دۇنيەگە كەلگەن ءۇي» دەپ اتالىپ كەتتى. ارينە، ول اسا كورنەكتى دەۋگە كەلمەيتىن، ساۋلەت تالاپتارىنا ساي ەمەس ەدى. سونىمەن قاتار، وسى جىلدار ىشىندە عيمارات ايتارلىقتاي ەسكىردى، ويتكەنى قولدا بار ماتەريالداردان سالىنعان».

وڭىردە احمەت بايتۇرسىن ۇلىنىڭ 150 جىلدىعىن مەرەكەلەۋگە دايىندىق باستالعاندا جەرگىلىكتى تۇرعىنداردىڭ، جۇرتشىلىقتىڭ ءوتىنىشى بويىنشا ءۇيدى جوندەپ، عالىمنىڭ مۇراجاي- ۇيىنە اينالدىرۋ تۋرالى شەشىم قابىلداندى.

«ءىس- شارالار جوسپارىنا مۇراجاي سالۋ ءىسى ەنگىزىلدى. ءبىز ونىمەن اينالىسا باستادىق، اۋدان اكىمدىگى كونكۋرس جاريالاپ، مەردىگەر انىقتالدى. ءبىراق قۇرىلىس ساپاسىز ماتەريالداردان باستالعاندىقتان، اۋدان اكىمدىگى تاپسىرىس بەرۋشى رەتىندە جۇمىستى توقتاتىپ، مەردىگەرمەن كەلىسىمشارتتى بۇزدى. قازىر جاڭا جوبا بويىنشا جاڭا ءۇي سالۋ شارالارى قاراستىرىلۋدا، - دەپ ءتۇسىندىردى ەرلان قالماقوۆ.

- بۇرىن عيماراتتى قالپىنا كەلتىرۋگە 20 ميلليون تەڭگەدەن استام قاراجات كەرەكتىگى ايتىلعان. قازىر ول وزەكتى ەمەس. سەبەبى جاڭا عيمارات سالۋ جانە ونى تاريحي ەكسپوناتتارمەن تولتىرۋ ماسەلەسى ماڭىزدى بولىپ وتىر»، - دەپ تولىقتىردى ۆەدومستۆو باسشىسى.

جاقىن ارادا جاڭا مەردىگەر انىقتالىپ، قۇرىلىس باستالادى دەپ جوسپارلانعان. احمەت بايتۇرسىن ۇلىنىڭ 150 جىلدىعىنا ارنالعان مەرەكەلىك شارالارعا، ياعني قىركۇيەككە دەيىن مۇراجاي- ءۇيدىڭ قۇرىلىسى اياقتالادى.

اۆتور: سماعۇلوۆا ەركەجان


سوڭعى جاڭالىقتار