كومىردەن سۇيىق جانە گاز ءتارىزدى وتىن الۋعا دەن قويۋ كەرەك – كوميتەت
«مينيسترلىك ءۇشىن كومىر سالاسىنداعى الەۋمەتتىك سەرىكتەستىك باسىمدىق سانالادى. مينيسترلىك جانىنان الەۋمەتتىك سەرىكتەستىك جونىندەگى تۇراقتى سالالىق كوميسسيا جۇمىس ىستەيدى. وندا كومىر سالاسى كاسىپورىندارىنىڭ پروبلەمالارى، سونىمەن قاتار كومپانيالاردىڭ قاۋىپسىز ەڭبەك جاعدايىن جاساۋ جانە وندىرىستە جاراقاتتانۋدى تومەندەتۋ بويىنشا وڭ تاجىريبەسى، الەۋمەتتىك جوبالار، كادر ماسەلەسى جانە باسقا دا جايتتار قارالادى»، - دەدى تۇرار جولماعامبەتوۆ.
ونىڭ اتاپ وتۋىنشە، ەلىمىز تاڭداپ العان كومىرتەك بەيتاراپتىعى باعدارى قازاقستاندا كومىردى تەرەڭ كەشەندى قايتا وڭدەۋ جوبالارىن جۇزەگە اسىرۋعا تۇرتكى بولادى.
«سونىمەن قاتار كومىر حيمياسى سالاسىنىڭ دامۋىنا سەپتىگىن تيگىزىپ، قازاقستاننىڭ كومىر الەۋەتىن بارىنشا ءتيىمدى پايدالانۋعا جول اشادى. ەكولوگيانى جاقسارتۋ ارقىلى كومىردىڭ ءرولىن دە ارتتىرا تۇسەدى. وسى رەتتە دامۋ ستراتەگياسىن (كومىر ونەركاسىبىن دامىتۋ ستراتەگياسى) كومىردەن سۇيىق جانە گاز ءتارىزدى وتىن الۋعا قاراي قايتا قاراۋ كەرەك»، - دەدى كوميتەت ءتوراعاسىنىڭ ورىنباسارى.
اۆتور: مارلان جيەمباي
