بالا اقىلدى بولۋى ءۇشىن

نۇر- سۇلتان. قازاقپارات - بالاسىنىڭ سانالى، اقىلدى، تاربيەلى بولىپ وسكەنىن قالامايتىن اتا- انا جوق.

الايدا بارلىعى ءوز قولىندا ەكەنىن كوپشىلىگى ەسكەرە بەرمەيدى. بالاعا انا ءسۇتى قانشالىقتى ماڭىزدى ەكەنىن بارلىعى بىلەدى. سويتە تۇرا ءتۇرلى جاعدايدى سىلتاۋ قىلىپ بالاسىن ۋاقىتىنان بۇرىن ومىراۋ سۇتىنەن شىعارىپ جىبەرەدى.

كەم دەگەندە ءبىر جاسقا دەيىن تولىق ەمبەگەن بالا باسقا قۇرداستارىنا قاراعاندا اقىلى ازداۋ بولسا، تاڭداناتىن دانەڭەسى جوق. بالانى ەكى جاستان ارتىق ۇزاق ەمىزگەن دە دۇرىس ەمەس، كەز كەلگەن سوزگە اڭقاۋ بالالار وسىندايدان شىعادى.

بەسىك - بالاعا بارلىق جاعىنان پايداسىن تيگىزەتىن بىردەن- ءبىر قۇرال. دەنساۋلىعىنا دا، رۋحاني جەتىلۋىنە دە، ۇلتتىق رۋحى بيىك بوپ وسۋىنە دە بەسىك اسەر ەتەدى. بەسىككە جاتقان بالالار دا جاي جەرگە، كەرەۋەتكە، بەسىكارباعا جاتقان بالالاردان وق بويى وزىق تۇراتىنىن انىقتالعان. كەز كەلگەن ۇيدە كىتاپ بولۋى كەرەك.

ءتىپتى ونى ءجيى وقيتىن ادام بولماسا دا، بالا جاستايىنان كىتاپ كورىپ وسسە، ونىڭ بولاشاعىنا اسەرى مول. ارنايى جۇرگىزىلگەن زەرتتەۋلەر ناتيجەسىندە ۇيىندە كىتاپ كورىپ وسكەن بالالاردىڭ ميى كىتاپ جوق بالالارعا قاراعاندا اناعۇرلىم تەز جەتىلەتىنى انىقتالعان. اۋەن تىڭداۋدىڭ دا پايداسى شاش ەتەكتەن. كلاسسيكالىق باياۋ اندەر تىڭداپ وسكەن بالانىڭ جۇيكە جۇيەسى جاقسى جەتىلەدى. قازاقي، كۇي، تەرمە سىندى اندەر دە بالاعا پاتريوتتىق كۇش بەرەدى. ءتىپتى اقىلدى بولۋعا مىنەزدىڭ دە قاتىسى بار ەكەن.

كەز كەلگەن جاعدايعا اشۋلانا بەرمەيتىن سابىرلى بالالار قىزۋقاندى بالالارعا قاراعاندا ارتىق تۇرادى. اتا- اناسى ەرتە تۇرمىس قۇرعان بالالاردىڭ دا وي- ءورىسى، اقىل- ساناسى ەگدە جاستا شاڭىراق كوتەرگەن اتا- انا بالالارىنا قاراعاندا ارتىق بولادى. وسى جاعدايلاردى جادتا ۇستاساڭىز، بالاڭىز اسا اقىلدى بوپ وسەدى.

Massaget.kz