ءشول دالاداعى ەكەۋ

نۇر- سۇلتان. قازاقپارات - ءشول دالامەن ەكى ادام كەلە جاتادى. كەنەت ەكەۋى ءبىر نارسەگە كەلىسپەي قالىپ، ۇرسىسا باستايدى.

«سەنىڭ ويىڭ قاتە»، - دەپ وزىنىكىن دالەلدەمەك بولعان ءبىرىنشى ادامنىڭ ءسوزىن «دۇرىس ەمەس ويلاپ تۇرسىڭ»، - دەگەن ەكىنشى ادامنىڭ داۋىسى ءبولىپ جىبەرەدى. ەكەۋى وسىلايشا كەش تۇسكەنشە ءسوز تالاستىرادى. جەر بەتىن ءتۇن باسىپ، اي شىققاندا ەكەۋى ءبىر- ءبىرىن كورمەستەي بولىپ كەتكەن ەدى. قاس دۇشپانعا اينالىپ، ءبىر- ءبىرىن مويىنداعىسى كەلمەدى. ءسويتىپ ەكەۋى دە ءوز جولدارىمەن ءجۇرۋدى ۇيعارادى.

«سەن ءوز جولىڭمەن، مەن ءوز جولىممەن جۇرەيىن» دەسكەن ەكەۋ قاراڭعى، سۋىق تۇنگە قاراماي ەكىگە ايىرىلادى. اينالا ءشول ەدى. ءبىرىنشى ادام ادىمداپ العا ءجۇرىپ كەتتى. ارتىنان ەكىنشى ادامنىڭ ىلەسكەنىن كورگەن ول: «مەن قانداي مىقتى اداممىن! ول مەنىڭ ارتىمنان ءجۇرىپ كەلە جاتىر، مەنسىز جالعىز ءجۇرۋ قايدا وعان!»، - دەپ ماساتتانادى. سول كەزدە ەكىنشى ادام بولسا: «ول قانداي ءالسىز ەدى! ونى قورعاۋ ءۇشىن ارتىنان ءجۇرۋىم كەرەك. وعان بىردەڭە بولىپ قالسا، ولە- ولگەنشە ءوزىمدى كەشىر الماسپىن»، - دەپ ويلاپ كەلە جاتىر ەدى.

Massaget.kz