ولجاس سۇلەيمەنوۆ فرانسيانىڭ ۇلتتىق وردەنىمەن ماراپاتتالدى

None
نۇر- سۇلتان. قازاقپارات – الماتىدا فرانسيانىڭ قازاقستانداعى توتەنشە جانە وكىلەتتى ەلشىسى ديدە كانەسس اقىن جانە قوعام قايراتكەرى ولجاس سۇلەيمەنوۆكە «فرانسۋز رەسپۋبليكاسى قۇرمەتتى لەگيونىنىڭ ۇلتتىق وردەنىن» تابىستادى، دەپ حابارلايدى «حابار 24».

ايتا كەتەرلىگى، اقىنعا كاۆالەر دارەجەسى ەمەس، بىردەن «قۇرمەتتى لەگيون وردەنىنىڭ وفيتسەرى» اتاعى بەرىلدى. بۇل ءۇش دەڭگەيلى وردەن ءار سالا بويىنشا ەرەن ەڭبەگى ءۇشىن تاپسىرىلادى.

«ولجاس ومار ۇلى بۇل جوعارى ناگرادامەن يادرولىق قارۋعا قارسى قوزعالىستاعى سىڭىرگەن ەڭبەگى ءۇشىن جانە ءارتۇرلى حالىقتاردىڭ مادەنيەتتەرىن جاقىنداستىرۋعا قوسقان ۇلەسى ءۇشىن ماراپاتتالدى»، - دەيدى ەلشى ديدە كانەسس.

عالىم مۇتانوۆ، بۇكىلالەمدىك ونەر جانە عىلىم اكادەمياسىنىڭ مۇشەسى:

- فرانسۋز رەسپۋبليكاسىنىڭ ەڭ جوعارعى ماراپاتتارىنىڭ ءبىرى بولىپ سانالادى. بۇل ماراپاتقا يە بولۋ ءۇشىن ول تەك قانا ءوز ەلىندە ەمەس، الەمدىك دەڭگەيدە تانىمال بولۋ كەرەك. ءوز ىسىمەن ەلدەردى جاقىنداستىراتىن، بەيبىتشىلىكتى ساقتاۋدا سونىمەن قاتار فرانسيا مەن قازاقستان اراسىندا قارىم- قاتىناسقا سىڭىرگەن ەڭبەگى دەپ باعالۋىمىز كەرەك.!




سوڭعى جاڭالىقتار