حالىقارالىق كواليتسيا سيرياداعى لاڭكەستەر جەتەكشىلەرىنىڭ ءبىرىن ۇستادى

None
None
اممان. قازاقپارات – ا ق ش باستاعان حالىقارالىق كواليسيا اسكەرى سيريادا ارنايى وپەراتسيا جۇرگىزۋ ناتيجەسىندە «يسلام مەملەكەتى» (قازاقستاندا تىيىم سالىنعان - رەد.) لاڭكەستىك توبىنىڭ جوعارى شەندى جەتەكشىسىن ۇستادى، دەپ حابارلايدى قازاقپارات ءتىلشىسى كواليتسيا مالىمدەمەسىنە سىلتەمە جاساپ.

«اينىماس شەشىم» (CJTF- OIR) دەپ اتالاتىن حالىقارالىق كواليتسيا كۇشتەرى 16-ماۋسىمعا قاراعان ءتۇنى سيريانىڭ سولتۇستىگىندە يم- ءنىڭ جوعارى لاۋازىمدى جەتەكشىسىن ۇستاۋ ءۇشىن لاڭكەستىككە قارسى وپەراتسيا جۇرگىزدى.

«تۇتقىنعا الىنعان ادام - تاجىريبەلى بومبا جاساۋشى جانە ي م- ءنىڭ سيريالىق بولىمشەسىندەگى جوعارى باسشىلاردىڭ بىرىنە اينالعان جەدەل دەلدال»، - دەلىنگەن حابارلامادا.

كواليتسيا وپەراتسيانىڭ ءساتتى وتكەنىن، بەيبىت تۇرعىنداردى قوسا العاندا ەشكىم زارداپ شەكپەگەنىن جاريالادى. سونداي- اق، كواليتسيا كۇشتەرىنە، سونىڭ ىشىندە ۇشاقتار مەن باسقا دا مۇلىككە زيان كەلمەگەنىن مالىمدەدى.

«كواليتسيا كۇشتەرى تۇپكىلىكتى جويۋ ءۇشىن ي م- ءنىڭ قالعان مۇشەلەرى قايدا جاسىرىنسا دا، ىزدەۋدى جالعاستىرادى»، - دەپ مالىمدەدى كواليتسيا باسشىلىعى.

سوڭعى جاڭالىقتار