ۇلتتىق قۇرىلتاي شەتەلدەگى اعايىن ءۇشىن دە ماڭىزدى

نۇر-سۇلتان.قازاقپارات - ۇلىتاۋداعى ۇلتتىق قۇرىلتاي تەك اتامەكەن ءۇشىن عانا ەمەس، شەتەل قازاقتارى ءۇشىن دە جاڭا ءبىر بەلەس بولماق.

تۇركياداعى قانداسىمىز ميمار سينان ۋنيۆەرسيتەتىنىڭ پروفەسسورى ابدۋاحاپ قارا وسىلاي دەيدى.

ونىڭ ايتۋىنشا، قۇرىلتايدا قانداستار ماسەلەسى بويىنشا «وتانداستار» قورىنىڭ پرەزيدەنتى ابزال ساپاربەك ۇلى وكىلدىك ەتەدى. بۇل ءوز كەزەگىندە، الىستاعى اعايىنعا مەملەكەت باسشىسىنىڭ كورسەتكەن قۇرمەتى دەيدى پروفەسسور.

ابدۋاحاپ قارا، ميمار سينان ۋنيۆەرسيتەتىنىڭ پروفەسسورى:

- بۇگىن قاسيەتتى ۇلىتاۋ وڭىرىندە ءوتىپ جاتقان ۇلتتىق قۇرىلتاي قازاقستان پرەزيدەنتى قاسىم- جومارت توقايەۆتىڭ «جاڭا قازاقستان» يدەياسىن جۇزەگە اسىرۋ بارىسىنداعى ماڭىزدى شەشىمنىڭ ءبىرى رەتىندە جوعارى باعالايمىن. اسىرەسە، ەلىمىزگە قارا بۇلت بولىپ تونگەن قاسىرەتتى قاڭتار وقيعاسىنان كەيىن ۇلتتىڭ بىرلىگى مەن ىنتىماقتاستىعىن نىعايتۋ جولىنداعى ۇلى باستاما بولىپ تابىلادى. بۇل ۇلى باستامادا دا شەتەل قازاقتارىنىڭ ماسەلەلەرىنە دە كوڭىل بولىنگەنى قۇپتارلىق. ويتكەنى، وسى قۇرىلتايدىڭ 117 وكىلدەرى ىشىندە شەتەل قازاقتارىنىڭ جاناشىرلارى دا بار.

www.24.kz