قىتايدىڭ عارىش اگەنتتىگى بوگدە پلانەتا ىزدەرىن تاپتى
بەيجىڭ پەداگوگيكالىق ۋنيۆەرسيتەتىنىڭ زەرتتەۋشىلەرى بوگدە پلانەتانىڭ بىرنەشە تەحنولوگيالىق ىزدەرىن تاپتى.
بۇل تۋرالى اقپارات سەيسەنبىدە قىتايدىڭ عىلىم جانە تەحنولوگيالار مينيسترلىگىنىڭ «Science and Technology Daily» رەسمي گازەتىندە جاريالاندى. سيگنالدار FAST دەپ اتالاتىن ديامەترى 500 مەتر بولاتىن الەمدەگى ەڭ ۇلكەن سفەرالىق «اسپان كوزى» راديوتەلەسكوپىمەن انىقتالدى. عىلىمي كەشەن قىتايدىڭ وڭتۇستىك- باتىسىنداعى گۋيجوۋ پروۆينتسياسىندا ورنالاسقان. ول 2016 -جىلدىڭ 25-قىركۇيەگىندە جۇمىسىن باستادى. China ET Civilization Research Group باس عىلىمي قىزمەتكەرى، كوسمولوگ چجان يۋنتسزە گازەتكە بۇرىنعى تابىلعانداردان ەرەكشەلەنەتىن بىرنەشە تار جولاقتى ەلەكتروماگنيتتىك سيگنالداردى تاپقانىن ايتتى.
سونىمەن قاتار، سيگنالدار جاي راديو كەدەرگىلەرى بولۋى مۇمكىن ەكەنىن زەرتتەۋشى جوققا شىعارمايدى جانە وسى فاكتىنى راستاۋ نەمەسە جوققا شىعارۋ ءۇشىن ولاردى قوسىمشا زەرتتەۋ قاجەت. قازىرگى ۋاقىتتا قىتايدىڭ عارىشتىق جوبالارىندا 300 مىڭعا جۋىق ادام جۇمىس ىستەيدى. بۇل ا ق ش- تىڭ NASA عارىش اگەنتتىگىنە قاراعاندا 18 ەسە ۇلكەن.
