بارشامىز تىلگە قۇرمەتىمىزدى قۇر سوزبەن ەمەس، ناقتى ىسپەن كورسەتۋىمىز كەرەك - مەملەكەت باسشىسى
بۇل تۋرالى ۇلىتاۋ وبلىسىندا ءوتىپ جاتقان ۇلتتىق قۇرىلتايدىڭ وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ءبىزدىڭ ەلدە ۇلتىنا، تىلىنە بولا ەشبىر ازاماتتىڭ قۇقى شەكتەلمەۋگە ءتيىس. ايتپەسە، قوعامدا جانجال تۋۋى مۇمكىن. ەل ىشىنە ىرىتكى تۇسكەنىن قالايتىندار وسىنى تىلەپ وتىر»، - دەدى قاسىم-جومارت توقايەۆ.
وسى ورايدا پرەزيدەنت ءتىل ماسەلەسى بويىنشا ءبارىمىز ۇستامدىلىق تانىتۋىمىز كەرەك ەكەنىن ايتتى.
«بۇل سىرت كوزگە ۇلتىمىزدىڭ ءوز بولاشاعىنا دەگەن سەنىمسىزدىگى، ءتىپتى، السىزدىگى سياقتى كورىنەدى. بارشامىز تىلگە قۇرمەتىمىزدى قۇر سوزبەن ەمەس، ناقتى ىسپەن كورسەتۋىمىز كەرەك»، - دەدى مەملەكەت باسشىسى.
پرەزيدەنت عىلىم مەن وقۋ اعارتۋ جۇيەسىندە ماڭىزدى وزگەرىستەر كەرەك ەكەنىن اتاپ ءوتتى.
«قازاق ءتىلى - عىلىمنىڭ، تەحنيكانىڭ، بيزنەستىڭ ءتىلى بولۋىنا ۇلەس قوسايىق»، - دەدى قاسىم-جومارت توقايەۆ.
بۇدان بۇرىن حابارلانعانداي، پرەزيدەنت قازاق مەملەكەتى امان تۇرعاندا، قازاق ءتىلى جاساي بەرەتىنىن اتاپ ءوتتى.
«بۇعان ەشقانداي كۇمان بولماۋى كەرەك»، - دەدى مەملەكەت باسشىسى.
