حالىقتىڭ اشۋىن تۇسىنۋگە بولادى - قاسىم-جومارت توقايەۆ

None
None
ۇلىتاۋ. قازاقپارات - ۇلتتىق قۇرىلتايدىڭ العاشقى وتىرىسىندا سويلەگەن سوزىندە ق ر پرەزيدەنتى قاسىم-جومارت توقايەۆ جەمقورلىقتىڭ زاردابىنا توقتالدى، دەپ حابارلايدى قازاقپارات ءتىلشىسى

«ءبىز سىبايلاس جەمقورلىققا قارسى بەلسەندى كۇرەس جۇرگىزىپ جاتىرمىز. بۇل - ەلىمىز ءۇشىن وتە وزەكتى، قاجەتتى ماسەلە. قازاقستان جەمقورلىقپەن كۇرەستىڭ نەگىزگى كورسەتكىشتەرى بويىنشا ايتارلىقتاي العا باستى. حالىقارالىق رەيتينگ اگەنتتىكتەرى وسىلاي دەپ باعالاپ وتىر»، - دەدى مەملەكەت باسشىسى.

پرەزيدەنتتىڭ پايىمىنشا، مۇنىمەن توقمەيىلسىپ وتىرۋعا بولمايدى.

«وكىنىشكە قاراي، جەمقورلىق - جۇرتتىڭ ساناسىنا ءسىڭىپ، ابدەن ادەتكە اينالىپ كەتكەن. بۇل - اششى بولسا دا، شىندىق.

ازاماتتارىمىز ساياسي قولداۋعا يە بولعان كەيبىر ادامداردىڭ شەكتەن تىس بايىپ كەتەتىنىنە نارازى. وعان قوسا، ولار بايلىقتارىنىڭ قوماقتى بولىگىن شەتەل اسىرىپ اكەتكەن. حالىقتىڭ اشۋىن تۇسىنۋگە بولادى.

سوندىقتان، مەنىڭ جارلىعىممەن ارناۋلى مەكەمەارالىق كوميسسيا قۇرىلدى. كوميسسيانىڭ مىندەتى - شەتەلگە زاڭسىز شىعارىلعان قارجىنى ەلگە قايتارۋ. بۇل - وتە كۇردەلى جۇمىس، ۇزاققا سوزىلۋى مۇمكىن. سەبەبى، كوپتەگەن زاڭدىق پروتسەدۋرادان ءوتۋ كەرەك. ءبىراق، ءبىز قالاي بولسا دا، بۇل ماسەلەمەن مۇقيات اينالىسۋىمىز قاجەت. ايتپەسە، ادىلەتتى قوعام تۋرالى ءسوز قوزعاۋدىڭ ءوزى قيىن بولادى»، - دەدى مەملەكەت باسشىسى.

سوڭعى جاڭالىقتار