ءداستۇرلى اقپارات قۇرالدارىمەن قاتار، الەۋمەتتىك جەلىگە باسا ءمان بەرۋ قاجەت – پرەزيدەنت

ۇلىتاۋ. قازاقپارات - ۇلتتىق قۇرىلتاي ەلەۋلى ازاماتتىق قوعام ينستيتۋتتارىنىڭ بىرىنە اينالۋى ءتيىس. بۇل تۋرالى ۇلىتاۋ وبلىسىندا ءوتىپ جاتقان ۇلتتىق قۇرىلتايدىڭ وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«قازىر - ينتەرنەت ءداۋىرى. جاستار وزىنە قاجەت مالىمەتتى عالامتوردان الادى. ءداستۇرلى اقپارات قۇرالدارىمەن قاتار، الەۋمەتتىك جەلىگە باسا ءمان بەرۋ قاجەت. جاڭعىرۋدىڭ ماڭىزىن ۇرپاق ساناسىنا ءسىڭىرۋ ءۇشىن جاڭا تاسىلدەردى قولدانۋ كەرەك»، - دەدى قاسىم-جومارت توقايەۆ.

وسى ورايدا پرەزيدەنت ءتۇسىندىرۋ جۇمىسى كەزىندە جاستارعا ايرىقشا نازار اۋدارۋ كەرەك ەكەنىن قاداپ ايتتى.

«ويتكەنى، بۇگىنگى رەفورمالاردىڭ يگىلىگىن ەرتەڭ سولار كورەدى. ءبىز نە ىستەسەك تە، ءبارىن ۇرپاق ءۇشىن ىستەپ جاتىرمىز. ارينە، قوعامنىڭ باسقا وكىلدەرى دە تىس قالماۋى ءتيىس. جاڭا قوعام قۇرۋ، جاڭا سانانى قالىپتاستىرۋ ىسىنە بۇكىل ەلدى ۇيىستىرۋ قاجەت. وسىلايشا، قۇرىلتاي رەفورمالاردى جۇزەگە اسىرۋعا جان-جاقتى اتسالىسادى. تۇپتەپ كەلگەندە، ۇلتتىق قۇرىلتاي ەلەۋلى ازاماتتىق قوعام ينستيتۋتتارىنىڭ بىرىنە اينالۋى ءتيىس»، - دەدى مەملەكەت باسشىسى.