رەفەرەندۋم تابىستى ءوتتى ەكەن دەپ بوساڭسۋعا بولمايدى - مەملەكەت باسشىسى
«ەڭ باستىسى، ءبىزدىڭ باعدارىمىزدى حالىقتىڭ باسىم كوپشىلىگى قولداپ وتىر. ازاماتتارىمىز ەلىمىزدە تۇبەگەيلى وزگەرىس بولاتىنىنا سەنەدى. دەگەنمەن، رەفەرەندۋم تابىستى ءوتتى ەكەن دەپ، بوساڭسۋعا بولمايدى. ناعىز جۇمىس ەندى باستالدى»، - دەدى قاسىم-جومارت توقايەۆ.
وسى ورايدا پرەزيدەنت رەفورمانى جۇزەگە اسىرۋ بارىسىن ەلگە ۇدايى ءتۇسىندىرىپ وتىرۋ كەرەك ەكەنىن ايتتى.
«قازىردىڭ وزىندە جاڭعىرۋ ۇدەرىسى بىرتىندەپ جالپىۇلتتىق سيپاتقا يە بولا باستادى. شىن مانىندە، جاڭعىرۋدىڭ اسەرىن ءاربىر ازاماتىمىز سەزىنۋى قاجەت. ەلدەگى وزگەرىسكە اركىم ءوز ىسىندەي قاراسا، شىن مانىندە، جاڭارۋ جولىنا تۇسەمىز. مۇنى ەلىمىزدىڭ ءاربىر ازاماتى تەرەڭ تۇسىنگەنى ءجون»، - دەدى مەملەكەت باسشىسى.
