كاسىپكەر ۇلىتاۋدا ەركىن ەكونوميكالىق ايماق قۇرۋدى ۇسىندى
«مەن جاڭادان قۇرىلعان 3 وبلىسقا ءبىر-ءبىر ۇسىنىس جاسار ەدىم. ءبىر وبلىسىمىزدى ءبىلىم وبلىسى قىلىپ، الەمنىڭ وزىق ۋنيۆەرسيتەتتەرىن وسى جەرگە اشساق. ەكىنشى ءبىر وبلىسىمىزدى دەنساۋلىق وبلىسى قىلىپ، ۇزدىك اۋرۋحانانى اكەپ سوندا ورناتساق. قازىر بىلەسىزدەر كوپتەگەن قازاقستاندىقتار مۇقتاجدىقتان شەتەلگە بارىپ ەمدەلۋدە»، - دەدى قۇرىلتاي مۇشەسى.
سونداي-اق ول ۇلىتاۋدا شاعىن جانە ورتا ءوندىرىستى دامىتۋدى ۇسىندى.
«ۇشىنشىدەن، وسى ۇلىتاۋ وبلىسىنداعى ءبىر اۋداندى نەمەسە ءبىر قالانى ەكونوميكالىق ەركىن اۋماققا اينالدىرساق. ونى 2025-جىلعا دەيىن سالىقتان بوساتىپ، كاسىپكەرلەردى جاپپاي وسىندا شاقىرىپ، كىشى جانە ورتا وندىرىستەردى كوبەيتسەك دەپ ويلايمىن»، - دەدى كاسىپكەر.
ايتا كەتەيىك، پرەزيدەنت ۇلىتاۋ وبلىسىنداعى جۇمىس ساپارى اياسىندا ۇلتتىق قۇرىلتايدىڭ العاشقى وتىرىسىنا قاتىسىپ جاتىر.
كەشە مەملەكەت باسشىسىنىڭ ۇلتتىق قۇرىلتاي قۇرۋ تۋرالى جارلىعى جاريالاندى.
