16:29, 16 - ماۋسىم 2022 | GMT +6
قاراعاندى وبلىسىنداعى ەكى ەلدى مەكەن كارانتينگە ەنگىزىلدى
نۇر-سۇلتان. قازاقپارات - ءىرى قارادان قاراسان اۋرۋىنىڭ انىقتالۋىنا بايلانىستى قاراعاندى وبلىسىنداعى ەكى ەلدى مەكەندە كارانتيندىك شارالار ەنگىزىلدى، دەپ حابارلايدى قازاقپارات ءتىلشىسى.
«شەت اۋدانى اقشوقى اۋىلدىق وكرۋگىنە قاراستى قىزىلتاۋ جانە اقباۋىر ەلدى مەكەندەرىندە قاراسان اۋرۋى بەلگىسىمەن ءىرى قارا مال ولگەن. وسىعان وراي، 11- ماۋسىمدا ماماندار قاراسان اۋرۋىن انىقتاۋ ماقساتىندا سىناما الدى. قورىتىندى بويىنشا ەكى سىنامادان قاراسان اۋرۋى راستالدى. وسىنىڭ نەگىزىندە ەكى ەلدى مەكەننىڭ اۋماعىندا كارانتيندىك شارالار ەنگىزىلسىن»، - دەلىنگەن سەلولىق وكرۋگ اكىمى شىعارعان قاۋلىدا.
كارانتين شارالارى ناقتى بەلگىلەنبەگەن مەرزىمگە ەنگىزىلگەن.
ەسكە سالساق، ءساۋىر ايىندا بۋرابايعا دەمالۋعا كەلە جاتقان تۇركىستاندىقتان تۇينەمە تابىلعان ەدى.
سونداي-اق، تۇركىستان وبلىسىنىڭ تۇرعىنىنان تۇينەمە بەلگىلەرى بايقالدى.
