سانات كوشكىمبايەۆ: سەنىم شارالارى - سيريالىق كەلىسسوزدىڭ وتە ماڭىزدى تۇسى

None
None
نۇر-سۇلتان. قازاقپارات - استانا پروتسەسى سيريالىق قارسىلاس تاراپتاردىڭ ءبىر-بىرىنە سەنىمىن ارتتىرادى.

مۇنداي پىكىردى ەلوردادا ءوتىپ جاتقان سيريا جونىندەگى استانا پروتسەسىنىڭ 18-كەلىسسوزى اياسىندا ساياساتتانۋشى سانات كوشكىمبايەۆ ايتتى، دەپ حابارلايدى قازاقپارات ءتىلشىسى.

«سيريا ماسەلەسى بويىنشا استانا پروتسەسىنىڭ كەلىسسوزدەرى - سيريانىڭ ىشكى احۋالىن تۇراقتاندىرۋ ءۇشىن ماڭىزدى كەزەڭدەردىڭ ءبىرى. استانا پروتسەسىنە بەس جىلدان استام ۋاقىت وتكەنىن، جانجال شيەلەنىسىن توقتاتۋ، كوپتەگەن تەحيكالىق ماسەلەنى شەشۋ ءۇشىن گۋمانيتارلى ءدالىز قۇرۋ تۇرعىسىندا ايتارلىقتاي ناتيجەگە قول جەتكەنىن اتاپ وتكەن ءجون. استاناداعى الاڭ تۇپتەپ كەلگەندە تاراپتاردىڭ ءبىر-بىرىنە دەگەن سەنىمىن ارتتىرادى. سەنىم شارالارى - سيريالىق كەلىسسوزدىڭ وتە ماڭىزدى تۇسى»، - دەدى ساياساتتانۋشى.

ونىڭ اتاپ وتۋىنشە، سيريا ماسەلەسىنە قاتىستى الاڭ جەنيەۆادا قۇرىلعان. وسى ەكى الاڭ ساياسي كەلىسسوز جۇرگىزۋدە ءبىر-ءبىرىن تولىقتىرىپ، كومەكتەسىپ وتىرادى.

«جاۋلاسۋشى تاراپ العاش رەت كەزدەسىپ وتىرعان جوق. بۇل - استانا الاڭىنىڭ باستى جەتىستىگى. ولار ازاماتتىق سوعىس باستالعاننان كەيىن 8 جىل وتكەن سوڭ 2017-جىلدىڭ قاڭتارىندا العاش رەت اشىق تۇردە كەلىسسوز ۇستەلىنە وتىردى. قازىرگى ۋاقىتتا ءبىز ناقتى وڭ پروگرەسس كورىپ وتىرمىز»، - دەدى سانات كوشكىمبايەۆ.


سوڭعى جاڭالىقتار