ۇلى بريتانيادا بەنزين باعاسى شارىقتاپ كەتتى
رەسەي مۇنايىنا تاۋەلدىلىكتى ازايتۋ شارالارى جانار- جاعار ماي باعاسىنىڭ وسۋىنە، سونىڭ سالدارىنان باسقا دا تاۋارلار مەن قىزمەتتەردىڭ قىمباتتاۋىنا ىقپال ەتكەن.
قازىرگى كەزدە بەنزيننىڭ ورتاشا باعاسى - ليترىنە 186,59 پەنس، ال ديزەل وتىنىنىڭ باعاسى - 192,48 پەنس، ياعني مامىر ايىنىڭ اياعىنان بەرى %7,4 جانە %5 وسكەن.
RAC وكىلى سايمون ۋيليامس قازىر وتباسىلىق كولىك باگىن بەنزينمەن تولتىرۋ شامامەن 103 فۋنت ستەرلينگ، ال ديزەل وتىنىنا 106 فۋنت ستەرلينگكە تۇسەتىنىن ايتتى. بۇل - بۇرىنعىدان 7-11 فۋنت ستەرلينگكە ارتىق.
RAC ەل ۇكىمەتىن جانار-جاعار ماي سالىعىن ازايتۋعا ۇندەدى. ۇلى بريتانيا ۇكىمەتى وتىن، ەلەكتر ەنەرگياسى مەن ازىق- تۇلىك باعاسىنىڭ شارىقتاپ كەتۋىنە بايلانىستى حالىقتىڭ الەۋمەتتىك وسال توپتارىنا كومەكتەسۋ ءۇشىن 37 ميلليارد فۋنت ستەرلينگ كولەمىندە كومەك پاكەتىن دايىندادى.
