ورتاق بولاشاق قۇرۋ مەن ايماقتىق ديالوگتى ىلگەرىلەتۋدە ورتالىق ازيانى قولداۋعا دايىنبىز - ەۋرووداق كوميسسارى

None
None
الماتى. قازاقپارات - الماتىدا ءوتىپ جاتقان ورتالىق ازيا ەلدەرىنىڭ تۇراقتى دامۋ سالاسىنداعى ماقساتتارى بويىنشا «COVID- تەن تىس جەردە - ورتالىق ازيادا ادىلدىك نەگىزىندە قالپىنا كەلتىرۋ جولىندا» ەكىنشى وڭىرلىك سامميتىندە ەۋروپالىق وداقتىڭ حالىقارالىق ارىپتەستىك جونىندەگى كوميسسارى يۋتتا ۋرپيلاينەن بەينەۇندەۋ فورماتىندا جولداۋ ارنادى، دەپ حابارلايدى قازاقپارات ءتىلشىسى.

كوميسسار يۋتتا ۋرپيلاينەن ەۋروپالىق وداقتىڭ ورتالىق ازياعا تۇراقتى دامۋ ماقساتتارىنا قول جەتكىزۋ ىسىندە كومەكتەسۋگە بەيىلدىلىگىن اتاپ ءوتتى.

«ءبىز نەعۇرلىم تۇراقتى جانە ينكليۋزيۆتى بولاشاق قۇرۋ مەن ايماقتىق ديالوگتى ىلگەرىلەتۋدە ورتالىق ازيانى قولداۋعا دايىنبىز. ءبىزدىڭ جاڭا Global Gateway اتتى ستراتەگيامىز تۇراقتى ءارى جوعارى ساپالى ينفراقۇرىلىم، جاستاردىڭ ينكليۋزيۆتى داعدىلارىن دامىتۋ جانە ايماقتىڭ دەنساۋلىق ساقتاۋ جۇيەلەرىنىڭ توزىمدىلىگىن نىعايتۋعا ينۆەستيتسيا سالۋ ارقىلى ەۋروپا مەن ونىڭ سەرىكتەستەرىن بىرىكتىرۋگە سەپتىگىن تيگىزەدى»، - دەدى ول.

ب ۇ ۇ دامۋ باعدارلاماسى اكىمشىسىنىڭ كومەكشىسى ۋشا راو- موناري ءوز سوزىندە تۇراقتى دامۋ ماقساتتارىنا تابىستى قول جەتكىزۋ دامۋ جولدارىن تۇبەگەيلى وزگەرتۋدى تالاپ ەتەتىنىن ايتتى. «2030 -جىلعا دەيىن نەبارى سەگىز جىل قالدى، ءبىز دامۋدى قالپىنا كەلتىرۋ جانە العا جىلجۋ ءۇشىن كوبىرەك كۇش سالۋىمىز كەرەك. بۇل ادامعا ينۆەستيتسيا سالۋدى، الەۋمەتتىك قورعاۋدى جاقسارتۋدى، ساپالى ءبىلىم بەرۋدى، لايىقتى جۇمىس ورىندارىن قۇرۋدى، جاڭارتىلاتىن ەنەرگيا كوزدەرىنە كوشۋدى جانە بارلىعىنا تسيفرلاندىرۋدى قامتاماسىز ەتۋدى تالاپ ەتەدى. مۇنداي باتىل ارەكەتتەر تدامۋ ماقساتتارىن قارجىلاندىرۋ جۇيەسىن قايتا قاراۋدى تالاپ ەتەدى»، - دەپ اتاپ ءوتتى ب ۇ ۇ د ب اكىمشىسىنىڭ كومەكشىسى.

ەسكە سالايىق، بۇگىن الماتىدا ورتالىق ازيا ەلدەرىنىڭ تۇراقتى دامۋ سالاسىنداعى ەكىنشى وڭىرلىك سامميتى ءوتىپ جاتىر . سامميتتى قازاقستان پرەمەر-ءمينيسترى ءاليحان سمايىلوۆ اشتى.

سوڭعى جاڭالىقتار