قازاقستاندىقتاردىڭ دەمالىسىنا ارنالعان ەڭ تانىمال باعىتتار اتالدى
OLX سەرۆيسى جۇرگىزگەن ساۋالناما ناتيجەلەرىنە سايكەس، ەكى مىڭ قازاقستاندىق اراسىندا 40 پايىزى قارجىلىق سەبەپتەر بويىنشا جازعى دەمالىستى جوسپارلامايدى، 30 پايىزى ونى ەل ىشىندە، 10 پايىزى قالا سىرتىندا، ال 20 پايىزى شەتەلدە وتكىزەدى.
ورتاشا العاندا وتانداستارىمىز دەمالىسقا سىرتقى تۋريستىك باعىتتارعا ءبىر ميلليون تەڭگەدەن ارتىق ەمەس قاراجات جۇمساۋعا دايىن. رەسپوندەنتتەردىڭ 75 پايىزى وسىنداي جاۋاپ بەردى. ساۋالناماعا قاتىسقانداردىڭ 76 پايىزى ەل ىشىندەگى دەمالىسقا 300 مىڭنان ارتىق ەمەس قاراجات جۇمساۋعا دايىن.
قازاقستاندىقتاردىڭ تەك 20 پايىزى عانا شەتەلگە دەمالىسقا شىعۋدى جوسپارلايدى. بۇل رەتتە باعىتتاردىڭ گەوگرافياسى جەتكىلىكتى تۇردە ءارتۇرلى.
وسى جازعى ماۋسىمدا قازاقستاندىقتار ءۇشىن ەڭ تانىمال سىرتقى تۋريستىك باعىت تۇركيا بولادى: 37 پايىزى ءدال وسى باعىتتى اتادى. جەتى پايىزى رەسەيگە، التاۋى ەۋروپا مەن مىسىرعا بارادى. قىرعىزستان مەن وزبەكستان دا تانىمال، سونىمەن قاتار قازاقستاندىقتار يندونەزياعا، كورەياعا، ا ق ش-قا، گرەكياعا نەمەسە مالديۆكە بارۋعا نيەتتى.
جازعى ساياحاتتارعا شەتەلگە شىعۋعا دايىن رەسپوندەنتتەردىڭ 60 پايىزدان استامىنىڭ وتباسىلارى ەكى- ءتورت ادامنان تۇرادى. ولار ساپارعا 500 مىڭ تەڭگەدەن ەكى ميلليون تەڭگەگە دەيىن جانە ودان دا كوپ قاراجات جۇمساۋعا دايىن.
ءبىر قىزىعى، پاندەميادان كەيىن ءبىر نارسە وزگەردى. شەتەلدە دەمالۋدى جوسپارلامايتىن ساۋالناماعا قاتىسقان قازاقستاندىقتاردىڭ 80 پايىزى تاۋعا جانە تۋريستىك جورىقتارعا جينالادى.
