جەتىسۋ وبلىسىندا ەكى كوپىردى سۋ شايىپ كەتتى - ۆيدەو

None
None
تالدىقورعان. قازاقپارات - جەتىسۋ وبلىسىندا قالىڭ نوسەر سالدارىنان وزەن ارناسىنان تاسىپ، جاڭادان سالىنىپ جاتقان جولدىڭ ەكى كوپىرىن شايىپ كەتتى، - دەپ حابارلايدى قازاقپارات ءتىلشىسى.

«15 -ماۋسىم كۇنى جاۋىن- شاشىننىڭ كوپ تۇسۋىنە بايلانىستى وبلىستىق ماڭىزى بار جول، سارىوزەك- كوكتال، شانحاناي اۋىلىنا كىرەبەرىس جولداعى ەكى قۇبىرلى كوپىردى شايىپ كەتتى. قازىرگى ۋاقىتتا جول جابىلدى. اينالما جول بار»، - دەلىنگەن وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان حابارلامادا.

وزەن سۋى ەكى قۇبىر ءتارىزدى كوپىردى شايىپ، جول بويىندا ورنالاسقان ءتورت ءۇيدىڭ اۋلاسىنا كىرگەن. زارداپ شەككەندەر جوق. توتەنشە جاعداي دەپارتامەنتىنەن 7 ادام جانە 1 تەحنيكا، جەرگىلىكتى اتقارۋشى بيلىك تاراپىنان وقيعا سالدارىن جويۋعا كىرىستى. كەربۇلاق اۋدانى اكىمدىگىنىڭ مالىمەتىنشە اينالما جول بار. قوزعالىس قالپىنا كەلتىرىلدى.



سوڭعى جاڭالىقتار