قازاقستاندىق تۇلەك ا ق ش-تىڭ بىرنەشە ۋنيۆەرسيتەتىنەن شاقىرۋ الدى

None
None
قاراعاندى. قازاقپارات - قاراعاندىدا مەكتەپ تۇلەگى امەريكانىڭ بىرنەشە جوعارى وقۋ ورنىنان تەگىن ءبىلىم الۋعا شاقىرۋ الدى، دەپ حابارلايدى قازاقپارات ءتىلشىسى.

ماعجان تەگىسوۆ بيىل نازاربايەۆ زياتكەرلىك مەكتەبىن (NIS) بىتىرگەن. ول عارىش الەمىن، روبوتوتەحنيكانى جانە ستارتاپ- جوبالاردى جاقسى كورەدى. ءتۇرلى رەسپۋبليكالىق جانە حالىقارالىق بايقاۋلاردىڭ جۇلدەگەرى، بارلىق نازاربايەۆ زياتكەرلىك مەكتەپتەرىنىڭ 500-دەن استام وقۋشىسىن بىرىكتىرەتىن NIS Valley كلۋبىنىڭ نەگىزىن قالاۋشى.

«كلۋب كاسىپكەرلىككە، ستارتاپ- جوبالارعا قىزىعۋشىلىق تانىتقان وقۋشىلاردىڭ باسىن بىرىكتىرەتىن الاڭعا اينالدى. ولار ساراپشىلاردان كەڭەس الىپ، تاجىريبە جيناقتاپ، كوشباسشىلىق قاسيەتتەردى دامىتا الادى. وقۋ جىلدارىنداعى بارلىق جەتىستىكتەرىمنىڭ ارقاسىندا امەريكالىق بىرنەشە ۋنيۆەرسيتەتتەن شاقىرۋ الدىم. ءبىراق Colby College تاڭدادىم. بۇل ا ق ش- تىڭ ەڭ ۇزدىك ج و و- نىڭ ءبىرى. سونىمەن قاتار ولار ماعان پرەزيدەنتتىك ستيپەنديا ءبولدى»، - دەيدى ماعجان. بولاشاقتا م. تەگىسوۆ قازاقستاندا Google ،Apple ،Amazon سياقتى IT- كومپانيا قۇرۋدى ارماندايدى.

«جاقىندا Colby College-دە جاساندى زەردەنى زەرتتەۋ بويىنشا عىلىمي ورتالىق اشىلدى. مەن جاساندى ينتەللەكت پەن ماشينالىق وقىتۋعا نازار اۋدارعىم كەلەدى. ۋنيۆەرسيتەت زەرتتەۋ ءۇشىن بارلىق مۇمكىندىكتى ۇسىنادى. ال پرەزيدەنتتىك ستيپەنديا ماعان ءبىرىنشى كۋرستا بەلگىلى كومپانيالاردا ءوز ماماندىعىم بويىنشا تاعىلىمدامادان وتۋگە، سونداي-اق ءوز ستارتاپىمدى نەمەسە بيزنەسىمدى ىسكە قوسۋعا، زەرتتەۋلەرگە قارجى تارتۋعا مۇمكىندىك بەرەدى»، - دەيدى جاس تۇلەك.


ول قازىردىڭ وزىندە بيزنەسپەن اينالىسىپ جاتىر: Barys Wear برەندىمەن كيىم جەلىسىن ساۋداعا شىعاردى، لوگوتيپتەرى بار ءىرى كومپانيالارعا تريكوتاج بۇيىمدارىن جەتكىزەدى.

«بارلىق ويلاعانىما قول جەتكىزۋگە، ءتۇرلى قالالارداعى عىلىمي بايقاۋلارعا قاتىسۋعا، ءوزىمدى قىزىقتىراتىن سالانى تابۋعا، سونداي-اق ستەنفورد ۋنيۆەرسيتەتىنىڭ جازعى مەكتەبىنە قاتىسۋعا مۇمكىندىك بەرگەن مەكتەبىمە العىسىمدى بىلدىرگىم كەلەدى. وقۋشىلارعا ايتقىم كەلەتىنى: ءوزىڭىزدى شىنىمەن قىزىقتىراتىن قىزمەت سالاسىن ىزدەڭىزدەر»، - دەپ قوستى ماعجان تەگىسوۆ.


اۆتور: اگاتا مۋحامەدجانوۆا

سوڭعى جاڭالىقتار