تۇرىك كومپانياسى جامبىل وبلىسىندا سودا ءوندىرۋ زاۋىتىن سالادى

None
None
نۇر-سۇلتان. قازاقپارات - تۇرىك كومپانياسى جامبىل وبلىسىندا ەكسپورتقا باعىتتالعان كالتسيلەندىرىلگەن سودا ءوندىرۋ زاۋىتىن سالادى.

بۇل تۋرالى بۇگىن ق ر پرەمەر-ءمينيسترى ءاليحان سمايىلوۆتىڭ Yildirim Holding كومپانيالار توبىنىڭ پرەزيدەنتى جانە باس ديرەكتورى روبەرت يۋكسەل يىلدىرىممەن كەزدەسۋىندە بەلگىلى بولدى، دەپ حابارلايدى قازاقپارات primeminister.kz سايتىنا سىلتەمە جاساپ.

كومپانيا باسشىسى پرەمەر-مينيسترگە كومپانيانىڭ قازاقستانداعى قىزمەتى مەن جاڭا جوبالاردى ىسكە اسىرۋ پەرسپەكتيۆالارى تۋرالى ايتىپ بەردى.

قازىرگى ۋاقىتتا Yildirim Holding اقتوبە وبلىسىندا حروم كەنىن جانە كونتسەنتراتىن ءوندىرۋ بويىنشا تابىستى جۇمىس ىستەپ كەلەدى، سونداي-اق «قازگەولوگيا» ا ق- مەن بىرلەسىپ، شيكىزات بازاسىن تولىقتىرۋ اياسىندا پاۆلودار، قاراعاندى جانە شىعىس قازاقستان وبلىستارىندا گەولوگيالىق بارلاۋ جۇرگىزىپ جاتىر.

ر. يۋ. يىلدىرىمنىڭ ايتۋىنشا، 2013-جىلدان باستاپ حولدينگ قازاقستان ەكونوميكاسىنا 500 ميلليون دوللاردان استام ينۆەستيتسيا قۇيعان. كەزدەسۋ بارىسىندا ءاليحان سمايىلوۆ ق ر ۇكىمەتى Yildirim Holding كومپانياسىنىڭ قازاقستانداعى ەڭ ءىرى تۇرىك ينۆەستورلارىنىڭ ۇشتىگىنە كىرەتىنىن ەسكەرە وتىرىپ، ءبىزدىڭ ەلگە ينۆەستيتسيالاردى كەڭەيتۋدى قۇپتايتىنىن جەتكىزدى.

پرەمەر-مينيستر حولدينگ باستاماشىلىق ەتىپ وتىرعان - جامبىل وبلىسىندا كالتسيلەندىرىلگەن سودا ءوندىرۋ زاۋىتىن سالۋ جوباسىنىڭ ماڭىزدى ەكەنىن اتاپ ءوتتى.

بۇل جوبانى ىسكە اسىرۋ ناتيجەسىندە قازاقستان ءونىم يمپورتىنان ەكسپورتقا كوشۋى ءتيىس.

«بۇل جوبا قازاقستان- تۇركيا ينۆەستيتسيالىق ىنتىماقتاستىعى تاريحىندا سەرپىندى بولاتىنى ءسوزسىز. مەملەكەت قازىردىڭ وزىندە قاجەتتى ينفراقۇرىلىمدى قامتاماسىز ەتۋ بويىنشا ءوز مىندەتتەمەلەرىن ورىنداۋعا كىرىستى. وسىعان بايلانىستى 2025-جىلعا دەيىن زاۋىتتى ىسكە قوسۋ ءۇشىن قۇرىلىس-مونتاجداۋ جۇمىستارىنىڭ بەلسەندى كەزەڭى باستالادى دەپ وتىرمىز»، — دەدى ءاليحان سمايىلوۆ.

ءوز كەزەگىندە روبەرت يۋكسەل يىلدىرىم قازاقستاندىق ارىپتەستەرىنە جوبالاردى جۇزەگە اسىرۋدا كورسەتكەن كومەگى ءۇشىن العىس ءبىلدىرىپ، Yildirim Holding- ءتىڭ ءبىزدىڭ ەلمەن ىنتىماقتاستىقتى كەڭەيتۋگە دايىن ەكەنىن اتاپ ءوتتى.

سوڭعى جاڭالىقتار