ەرالى توعجانوۆ «بالكونداعى سيىر» جوباسىنىڭ ىسكە اسىرىلۋىمەن تانىستى

«قازىر ىشكى نارىقتى وتاندىق ونىمدەرمەن قامتاماسىز ەتىپ، ەڭبەك ونىمدىلىگىن ارتتىرىپ، تۇراقتى جۇمىس ورىندارىن قۇرۋ كەرەك. ءبىز جۇمىستىڭ باستالعانىن كورىپ وتىرمىز»، — دەدى ۆيتسە-پرەمەر.

تەك 5 جىل ىشىندە ا و ك سالاسىندا 2,2 تريلليون تەنگە كولەمىندە 500 دەن استام ينۆەستيتسيالىق جوبا ىسكە اسىرىلاتىنى جوسپارلانعان.

جۇمىسپەن قامتۋدىڭ ءتۇرلى شارالارىمەن 500 مىڭنان استام ادام قامتىلدى. ءوز كەزەگىندە ءوڭىر باسشىسى ەرمەك مارجىقپايەۆ وبلىستا وسى باعىتتا ناقتى جۇمىستار جۇرگىزىلىپ جاتقانىن ايتتى.

8 مىڭنان استام جاڭا جۇمىس ورنى قۇرىلدى، ونىڭ ىشىندە 5 مىڭعا جۋىعى - تۇراقتى، جالاقى %22 ارتتى. ماسەلەن، كووپەراتيۆ باسشىسى گۇلمايرا بايماقوۆا «باستاۋ- بيزنەس» جوباسى ارقىلى گرانت الىپ، 2020-جىلى اقمولا وبلىسىنىڭ قارابۇلاق اۋىلىندا «اۋىلدىڭ ءدامى قالادا - بالكونداعى سيىر» جوباسىن ىسكە قوستى.

«بىزگە ازىق-تۇلىك قاجەت، ولاردى ادەتتە دۇكەندەردەن ساتىپ الامىز. قالا تۇرعىندارىنىڭ از بولىگى عانا جاڭا پىسكەن كوكونىستەردى تىكەلەي باقشادان، ال ءسۇتتى تىكەلەي «سيىردى ساۋۋ» ارقىلى الادى. «بالكونداعى سيىر» جوباسى - بۇل دۇكەندەر مەن كوپتەگەن دەلدالداردى اينالىپ ءوتىپ، جاڭا، ەكولوگيالىق تازا ءسۇت ونىمدەرىن الۋعا مۇمكىندىك بەرەتىن جوبا»، — دەدى گ. بايماقوۆا.

جوبا بويىنشا تابيعي ونىمدەردى تۇتىنعىسى كەلەتىن قالا تۇرعىنى ءوز اقىسىنا سيىر ساتىپ الىپ، ونى باعۋ ءۇشىن اۋىل تۇرعىنىنا بەرەدى، ال ول سيىردى كۇتۋگە - تاماقتاندىرۋعا، سۋارۋعا، ساۋۋعا جانە جاڭا ءسۇت ونىمدەرىمەن قامتاماسىز ەتۋگە مىندەتتەلەدى. سونىمەن قاتار پرەمەر-ءمينيستردىڭ ورىنباسارى ستەپنوگورسك قالاسىنداعى «ار-اي» ءوندىرىس كووپەراتيۆىنىڭ جۇمىسىمەن تانىستى.

باعدارلاما اياسىندا حالىقتىڭ الەۋمەتتىك وسال توپتارىنا جۇمىس ورىندارى مەن ۆولونتەرلىك كومەك ۇسىنىلادى.

مىسالى، «ار-اي» كووپەراتيۆىندە ءبىرىنشى كەزەكتە كوپ بالالى وتباسىلارعا جۇمىس ورىندارى ۇسىنىلادى.

بۇگىنگى كۇنى كوكونىس وسىرۋمەن كوپ بالالى انالار اينالىسادى: ولاردىڭ قاتارىندا بەس بالاسى بار انا، ەرەكشە قاجەتتىلىكتەرى بار بالا تاربيەلەپ وتىرعان انا جانە ەكى بالانى اسىراپ وتىرعان جالعىزباستى انا بار.

ۆيتسە-پرەمەر ستەپنوگورسك قالاسىندا كوكونىستەردى وسىرۋگە مامانداندىرىلعان «جىلىجاي تەحنولوگيالارى» ج ش س، ءتىرى بالىقتاردى كوبەيتۋ مەن جانۋارلارعا، قۇستارعا، بالىقتارعا ارنالعان ءۆيتاميندى جانە مينەرالدى قوسپالاردى وسىرۋمەن اينالىساتىن «پروگرەسس-اگرو» ج ش س، سونداي-اق ءبىرجان سال اۋدانىندا قۇلپىناي جانە كوكونىس وتىرعىزاتىن كاسىپورىنداردىڭ قىزمەتىمەن تانىستى. كەلەسى نىسان بۋراباي اۋدانىندا ورنالاسقان جك «ابدراحمانوۆ» قۇراما جەم زاۋىتىنىڭ ءسۇت-تاۋار فەرماسى بولدى.

زاماناۋي ءسۇت-تاۋار فەرماسى 2015-جىلى جەكە كاسىپكەر بولات ءابدىراحمانوۆتىڭ باستاماسىمەن ىسكە قوسىلدى.

مەملەكەتتىك قولداۋدىڭ ارقاسىندا جىل سايىن ءىرى قارا مال سانى ارتىپ كەلەدى. ولار ءۇشىن تابيعي كوكونىس قوسپالارى بار ارنايى تاماقتانۋ رەجيمى بەكىتىلگەن. فەرمەردىڭ ايتۋىنشا، سيممەنتال جانە مونبەليار تۇقىمدى ءىرى قارا مال اكەلىندى.

«قازىرگى تاڭدا فەرمادا 500 باس ءىرى قارا جانە 109 باس جىلقى بار. باستاپقىدا 200 بولدى، كەيىنىرەك ولاردىڭ سانىن ۇلعايتۋ كەرەك ەكەنىن ءتۇسىندىم. «اگروبيزنەس-2020» باعدارلاماسى بويىنشا اگروكرەديت كورپوراتسياسى ارقىلى 88 ميلليون تەڭگە نەسيە الدىم، وعان چەحيادان 96 باس ءى ق م ساتىپ الدىم، بيىل «ىرىس» باعدارلاماسى بويىنشا تاعى 53 باس اكەلۋدى جوسپارلاپ وتىرمىز»، — دەيدى جەكە كاسىپكەر.

ەرالى توعجانوۆ كوكشەتاۋ قالاسىنداعى ءسۇت ونىمدەرىن وندىرەتىن كاسىپورىندا بولدى.

«گورمولزاۆود» ەلدەگى ەڭ ءدامدى بالمۇزداقتىڭ ءبىرىن وندىرۋمەن عانا ەمەس، سونىمەن قاتار باسقا دا ساپالى ءسۇت ونىمدەرىمەن دە تانىمال. وتكەن جىلى زاۋىتتا ءسۇت قىشقىلدى جانە تۇتاس ءسۇت ونىمدەرىن شىعاراتىن جاڭا سەح ىسكە قوسىلدى.