شتاتتىق قۇرىلىم ءالى بەكىتىلگەن جوق - اباي وبلىسى اكىمىنىڭ سۇحباتى
- نۇرلان تەلمان ۇلى، جاڭا قۇرىلعان اباي وبلىسىنىڭ باسشىسى قىزمەتىندەگى جۇمىسىڭىز قالاي باستالدى؟
- تاعايىندالۋدان كەيىن جەكسەنبى كۇنى تۋعان جەرىم - سەمەيدى ارالاپ، قالاداعى توزىعى جەتكەن كوشەلەردى قاراپ شىقتىم. ەندى سولاردى جوندەۋىمىز كەرەك. كۇندە اكىمدىكتە قالانىڭ وزەكتى ماسەلەلەرىن تالقىلاپ، شەشۋ جولدارىن قاراستىرۋدامىز. ۋاقىت تىعىز. ازىرگە ءبىز ۇيىمداستىرۋشىلىق باعىتتاعى جۇمىستارمەن اينالىسىپ جاتىرمىز. بۇگىنگى تاڭدا شتاتتىق قۇرىلىم دا بەكىتىلگەن جوق.
- تاعايىندالعان بىرنەشە كۇن ىشىندە وڭىردەگى قانداي ماسەلەلەرمەن تانىستىڭىز؟
- قالانىڭ توزىعى جەتكەن ينجەنەرلىك كوممۋنيكاتسيا جۇيەسىن، الاڭدار مەن اۋلالاردى، تۇرعىن ءۇي قۇرىلىسىن قالپىنا كەلتىرۋ، اباتتاندىرۋ اسا وزەكتى ماسەلە. سونىمەن قاتار سەمەي قالاسىندا جىلىتۋ ەلەكتر ورتالىعىن سالۋ تۋرالى سۇراقتى دا قاراستىرامىز.
سونداي-اق شاھاردا بەينەكامەرالار ورناتۋ جانە ءبىرىڭعاي باقىلاۋ قىزمەتىن قۇرۋ تۋرالى ءبىرقاتار تاپسىرما بەردىم. بۇدان وزگە ءوڭىر قىتاي جانە رەسەيمەن شەكارالاس بولعاندىقتان، وبلىستىڭ ترانزيتتىك الەۋەتىن بەلسەندى تۇردە پايدالانۋ جانە سول جەردەگى ساۋدانى دامىتۋدى كوزدەپ وتىرمىز. وسىنىڭ نەگىزىندە شاعىن جانە ورتا بيزنەس تۇلەيدى.
ينۆەستيتسيا قولداۋ، وندىرىستىك جوبالارعا، كەن وىرندارىنا ينۆەستيتسيا تارتۋ، ءوڭىرارالىق ازىق-تۇلىك بەلبەۋىن جانداندىرۋ، اۋىل-ايماق ينفروقۇرىلىمىن قالىپقا كەلتىرۋ، مادەنيەت ايماعىن قۇرۋ، بالامالى ەنەرگيا كوزدەرىن دامىتۋ.
- تالاپ-تىلەك ايتقان تۇرعىنداردى قابىلداپ ۇلگەردىڭىز بە؟
- حالىقپەن كەزدەسۋلەر، ازاماتتاردى قابىلداۋ الداعى ۋاقىتقا جوسپارلانعان. دەگەنمەن بىرنەشە كۇندە ازاماتتاردىڭ اۋىل شارۋاشىلىعى، جەڭىل ونەركاسىپ سالاسىنداعى تۇرالاپ قالعان جۇمىستاردى دامىتۋدى سۇراعانىن بىلەمىن. ونى شەشۋ ءۇشىن جۇيەلى جوسپار قۇرىپ، قاجەتتى شارالاردى باستايمىز.
- حالىقپەن ءجيى كەزدەسىپ، ب ا ق وكىلدەرىنە اشىق اقپارات بەرىپ تۇرۋعا ۋادە بەرەسىز بە؟
- ارينە، مۇمكىندىگىمىزشە اقپاراتتى الەۋمەتتىك جەلىدەگى پاراقشالارىمىزدا جانە ب ا ق وكىلدەرىنە دە حابارلايتىن بولامىز. ازىرگە ءسال ۋاقىت بەرۋلەرىڭىزدى سۇرايمىن.
- ۋاقىت ءبولىپ، سۇحبات بەرگەنىڭىز ءۇشىن راحمەت! جاۋاپتى قىزمەتىڭىزگە ساتتىلىك تىلەيمىز!
اۆتور: ءاليحان اسقار
