قازاقستاندا قۇرىلاتىن بلوگەرلەر قاۋىمداستىعىنا كىمدەر كىرەدى

None
None
نۇر-سۇلتان. قازاقپارات - قازاقستاندا بلوگەرلەر قاۋىمداستىعى قۇرىلماق.

بۇل تۋرالى دوستىق ءۇيى باسپا ءسوز ورتالىعىنىڭ جەتەكشىسى راۆيل ۆالەيەۆ ايتتى، دەپ حابارلايدى قازاقپارات ءتىلشىسى.

«قالاي بولعاندا دا الەۋمەتتىك جەلى الاڭدارى ەسەپ ايىرىسۋ نەمەسە بىرەۋلەردى قۋدالاۋ ءۇشىن پايدالانىلماۋى ءتيىس. وسىعان وراي مەديا ورتالىعىمىزدىڭ وتىرىستارىنىڭ بىرىندە بلوگەرلەر قاۋىمداستىعىن قۇرۋ يدەياسى ايتىلدى. بۇل اسسامبلەيانىڭ بەدەلىن ۇزۋگە، ەتنومادەني بىرلەستىكتەردىڭ قىزمەتىنە نۇقسان كەلتىرۋگە باعىتتالعان الەۋمەتتىك جەلىلەردەگى تەرىس پىكىرلەرگە رەاكتسيامىز بولدى. قازىر ۇيىمداستىرۋ ماسەلەلەرىن تالقىلاپ جاتىرمىز. بلوگەرلەر قاۋىمداستىعى جالپى ۇلتتىق ديالوگتىڭ امبەباپ مودەلىنە اينالۋى ءتيىس»، - دەدى راۆيل ۆالەيەۆ نۇر-سۇلتان قالالىق قازاقستان حالقى اسسامبلەياسىنىڭ ⅩⅩسەسسياسىندا.

ونىڭ بولجامىنشا، قاۋىمداستىق قۇرامىنا دەپۋتاتتار، ق ح ا مۇشەلەرى، ساراپشىلار مەن قۇقىق قورعاۋشىلار، ازاماتتىق الستىڭ، قوعامدىق كەڭەستەردىڭ، ۇكىمەتتىك ەمەس ۇيىمداردىڭ، بيزنەس قاۋىمداستىقتاردىڭ جانە وندىرىستىك سالانىڭ وكىلدەرى كىرەدى.

سونىمەن قاتار ول ق ح ا قازاقستان حالقىنىڭ بىرلىگىن بۇزۋعا باعىتتالعان زاڭسىز جانە تەرىس جاريالانىمداردى انىقتاۋ ءۇشىن الەۋمەتتىك جەلىلەرگە مونيتورينگ جۇرگىزەتىندىگىن باسا ايتتى.

«كەي جاعدايدا «بىزگە اسسامبلەيانىڭ قاجەتى قانشا؟» دەگەن تاقىرىپتا اشۋ-ىزامەن جازبا قالدىرعان اۆتورلارمەن دوستاسىپ تا ۇلگەردىك. كوپ جاعدايدا اسسامبلەيانىڭ جۇمىسى مەن ەتنومادەني بىرلەستىكتەردىڭ تۇپكى ءمانى جايىندا جەڭىل-جەلپى تۇسىنىگى بار ول ادامدار پوپۋليستىك ۇراننىڭ جەتەگىنە كەتىپ قالعان»، - دەدى ول.


سوڭعى جاڭالىقتار