ۋكرايناداعى جاعداي. ءبىزدىڭ تاراپتان ادام شىعىنى وتە كوپ - زەلەنسكي

None
None
نۇر- سۇلتان. قازاقپارات - ۆلاديمير زەلەنسكي «دونباستا كىم باسىم تۇسسە، ۋكرايناداعى سوعىستا سول جەڭەدى»، - دەپ مالىمدەدى. ونىڭ ايتۋىنشا، ۋكراين اسكەرى حاركوۆ وبلىسى ءۇشىن بولىپ جاتقان شايقاستا كوپ ساربازىنان ايىرىلعان، دەپ حابارلايدى «حابار 24».

رەسەي كۇشتەرى اتالعان ايماققا باقىلاۋ ورناتۋ ءۇشىن بارىن سالۋدا. بۇدان باسقا، ەلدىڭ وڭتۇستىگىندە دە قيان- كەسكى ۇرىس ءجۇرىپ جاتىر.

ۆلاديمير زەلەنسكي، ۋكراينا پرەزيدەنتى:

- سيەۆەرەدونەتسكى مەن سونىڭ ماڭىنداعى باسقا قالالار مەن ەلدى مەكەندەردە قيان- كەسكى ۇرىس ءجۇرىپ جاتىر. وكىنىشكە قاراي، ءبىزدىڭ تاراپتا ادام شىعىنى وتە كوپ. ءبىراق بەرىسپەيمىز. بۇل ءبىزدىڭ مەملەكەتىمىز. اسىرەسە دونباسستى ۇستاپ قالۋ وتە ماڭىزدى.

رەسەيدىڭ قورعانىس مينيسترلىگى دالدىگى جوعارى «كاليبر» زىمىراندارىمەن ۋكراينا اسكەرىنىڭ زەڭبىرەكتەرى مەن وق- ءدارىسىن جويعانىن حابارلادى. بۇدان بولەك، ءبىر ۇشاق، بىرنەشە زىمىران مەن ونداعان رەاكتيۆتى سنارياد اتىپ تۇسىرىلىگەن.

يگور كوناشەنكوۆ، ر ف قورعانىس مينيسترلىگىنىڭ رەسمي وكىلى:

- سوڭعى ءبىر تاۋلىكتە رەسەي اۋە كۇشتەرى سلاۆيانسك اسپانىندا ۋكراينانىڭ «م ي گ-29» اتقىش ۇشاعىن جانە سنيحۋريۆكادا «مي -24» تىكۇشاعىن اتىپ ءتۇسىردى. زەڭبىرەك ساقتالعان قويما تالقاندالدى.

www.24.kz

سوڭعى جاڭالىقتار