07:28, 15 - ماۋسىم 2022 | GMT +5
تۇركىستان وبلىسىندا الىپ ءسابي دۇنيەگە كەلدى
تۇركىستان. قازاقپارات- تۇركىستان وبلىسىنداعى №2 پەريناتالدىق ورتالىقتا سالماعى 6 كەلى بولاتىن قىز بالا دۇنيەگە كەلدى، دەپ حابارلايدى قازاقپارات ءتىلشىسى.
مامانداردىڭ سوزىنشە، بۇل سالماق قالىپتى جاعدايدان ەكى ەسە ۇلكەن ەكەن. دارىگەرلەر 30 جاستاعى كەلىنشەكتى 13 - ماۋسىم كۇنى كەسىر تىلىگى ارقىلى بوساندىرىپ العان. قازىر انا مەن بالاعا ءتيىستى مەديتسينالىق كومەك كورسەتىلىپ جاتىر. نارەستە مەن اناسىنىڭ جاعدايى قالىپتى.
التىنشى پەرزەنتىن ومىرگە اكەلگەن نۇريلا بورىكبايەۆا قىزىنىڭ ەسىمىن جۇلدىز دەپ قويىپتى. ايتا كەتەيىك، تۇركىستان وبلىسىندا 23 جاستاعا انا ۇشەم بوسانعان بولاتىن. ءۇش قىزعا رايانا، رازيا، رايحانا ەسىمى بەرىلدى.
اۆتور: قايرات زاينيشيەۆ
