رەسەي كولىك وندىرۋدەن ەداۋىر ارتتا قالۋى مۇمكىن
بۇل 2006 -جىلدان بەرگى ەڭ تومەن كورسەتكىش. قازىر ەلدەگى 20 دان اسا زاۋىتتىڭ تەك ەكەۋى عانا جۇمىس ىستەپ تۇر. باتىس ساراپشىلارىنىڭ پىكىرىنە قاراعاندا جاعداي وسىلاي بولا بەرسە، رەسەي الەمدىك اۆتوكولىك ءوندىرۋ سالاسىندا ونداعان جىلدارعا ارتتا قالۋى مۇمكىن. وتكەن جىلدىڭ مامىر ايىمەن سالىستىرعاندا بيىل مامىردا اۆتوكولىكتەر 84 پروتسەنتكە از ساتىلدى. نەگىزگى سەبەبى اۆتوديلەرلەردە جاڭا كولىك تاپشى. ناۋرىز بەن ءساۋىر ايلارىندا اۆتوكونتسەرندەردىڭ كوبى رەسەيدەگى ءوندىرىسىن توقتاتىپ، كولىك جەتكىزبەيتىن بولدى.
سەرگەي پلەتنيەۆ، اۆتوديلەرلىك كومپانيا وكىلى:
- ۇسىنىس تىم از. ءىس جۇزىندە قويمالاردا قالعان قالدىقتار ساتىلىپ جاتىر. نارىق كولەمى 10 ەسە قىسقارعان. جاڭا كولىكتەر بۇرىنعىداي كوپ بولمايدى. ديلەرلەر كولىك باعاسىن كوتەرىپ تاستادى. پرەميۋم برەندتەر 5 ميلليون رۋبلدەن اسىپ كەتتى. ال رەسەي تۇرعىندارى باعاسى 500 مىڭنان باستالاتىن ارزان كولىك ساتىپ الاتىن بولدى. ءبىراق ول دا تاپشى.
يگور مورجارەتتو، اۆتوساراپشى:
- جاعداي اۋىر. ەڭ الدىمەن كولىك تاپشىلىعىنا بايلانىستى. اسىرەسە جاڭا كولىك جوق. شەتەل كومپانيالارى رەسەيدەگى جۇمىسىن ۋاقىتشا توقتاتتى نەمەسە دوعاردى. قازىر 20 اۆتوزاۋىتتىڭ تەك ەكەۋى جۇمىس ىستەپ جاتىر. تۋلا وبلىسىنداعى قىتايلىق حاۆال جانە ۋاز. قالعان زاۋىتتارعا قوسالقى بولشەكتەر جەتىسپەيدى. ولاردىڭ ءبىرازى شەتەلدەن اكەلىنەتىن.
جالپى پاندەميا باستالعالى رەسەيدە جەڭىل كولىكپەن قاتار تراكتورلار مەن ارنايى تەحنيكا تاپشىلىعى سەزىلدى. سانكتسيادان كەيىن جاعداي مۇلدەم ۋشىعىپ كەتتى. ساراپشىلار جاقىن ارادا نارىقتاعى جاعداي تۇزەلمەيدى دەيدى.
دانا نۇرجان، شاحزود گاميروۆ
www.24.kz
