ۇلتتىق عىلىم اكادەمياسىنىڭ مارتەبەسى قايتارىلادى - ساياسات نۇربەك
ونىڭ ايتۋىنشا، عىلىم سالاسىنداعى نەگىزگى مىندەتتەردى مەملەكەت باسشىسى قاسىم-جومارت توقايەۆ الماتىعا ساپارى كەزىندە ۇلتتىق عىلىم اكادەمياسىندا ايتقان. «ءبىرىنشىسى - ۇلتتىق عىلىم اكادەمياسىنىڭ مارتەبەسىن قايتارۋ جانە نىعايتۋ، بۇل جۇمىسپەن بەلسەندى اينالىسىپ جاتىرمىز. ءتيىستى زاڭ جوباسى ازىرلەنۋ ۇستىندە. ەكىنشى ۇلكەن باعىت - ۋنيۆەرسيتەت پەن ج و و- داعى عىلىم. قازىر وكىنىشكە قاراي، ۋنيۆەرسيتەت عىلىمى نەگىزگى عىلىم بولا المادى، ىرگەلى، قولدانبالى عىلىمدى قورەكتەندىرەتىن الاڭعا اينالمادى. بۇل جەردە دە بار كۇش-جىگەرىمىزدى سالامىز»، - دەدى ساياسات نۇربەك ۇكىمەت وتىرىسىنان كەيىن جۋرناليستەرگە بەرگەن سۇحباتىندا.
سونىمەن بىرگە، ۆەدومستۆو قىزمەتىنىڭ تاعى ءبىر ماڭىزدى باعىتى - عىلىمي-زەرتتەۋ جانە تاجىريبەلىك-كونسترۋكتورلىق ازىرلەمەلەردى نەمەسە قولدانبالى زەرتتەۋلەردى قولداۋ جانە قارجىلاندىرۋ.
«بۇل جەردە ءبىزدىڭ مينيسترلىك پىسىقتاپ جاتقان بىرنەشە جۇيەلى شارالار بار جانە جاقىن ارادا وسىنىڭ بارلىعىن اشىق تالقىلايتىن بولامىز. ءبىز ءوزىمىزدىڭ عىلىمي قاۋىمداستىعىمىزدان، نەگىزگى ج و و- نىڭ پروفەسسورلىق-وقىتۋشىلىق قۇرامىنان بازالىق تەحنيكالىق تاپسىرما الامىز»، - دەدى س. نۇربەك.
بۇعان دەيىن ساياسات نۇربەك مينيستر لاۋازىمىنا ءوزىنىڭ قۇزىرەتى تۋرالى سۇراقتارعا جاۋاپ بەرگەن ەدى.
سونىمەن بىرگە، ساياسات نۇربەك اسحات ايماعامبەتوۆتىڭ ساپاسىز ءبىلىم بەرەتىن جوعارعى وقۋ ورىندارىنان تازالاۋ جۇمىسى جالعاساتىنىن ايتتى.
