قازاقستان د س ۇ مۇشەلەرىن الەمدىك ازىق-تۇلىك داعدارىسىن تەزىرەك شەشۋگە شاقىردى
«الەمنىڭ بارلىق ەلدەرى ازىق-تۇلىك باعاسىنىڭ قارقىندى وسۋىنە تاپ بولدى، ساۋداداعى شەكتەۋلەر ازىق-تۇلىك تاپشىلىعى بار ايماقتار ءۇشىن جاعدايدىڭ ودان ءارى شيەلەنىسۋىنە اكەلەدى. بۇل تاقىرىپ وسى كۇندەرى جەنيەۆادا ءوتىپ جاتقان قازاقستان ءتوراعاسى بولىپ تابىلاتىن د س ۇ- نىڭ 12-مينيسترلىك كونفەرەنتسياسىندا نازاردان تىس قالعان جوق»، - دەپ جازدى ۆەدومستۆو.
قازاقستان دەلەگاتسياسىنىڭ باسشىسى، ق ر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆ ازىق-تۇلىك قاۋىپسىزدىگى ماسەلەلەرىنە ارنالعان سەسسيادا ساۋدا جانە ازىق-تۇلىك قاۋىپسىزدىگى جونىندەگى مينيسترلىك دەكلاراتسياسىنىڭ جوباسىن جانە دۇنيەجۇزىلىك ازىق-تۇلىك باعدارلاماسىن ساتىپ الۋعا قاتىستى ەكسپورتتىق شەكتەۋلەردى قولدانباۋ تۋرالى مينيسترلىك شەشىمىن قابىلداۋدىڭ ماڭىزدىلىعىن اتاپ وتكەن.
بۇل شەشىم، ءتىپتى مۇنداي ءونىمدى جەكەلەگەن ەلدەردەن تىس جەرلەرگە اكەتۋگە تولىق تىيىم سالىنعان جاعدايدا دا، اپاتقا ۇشىراعان وڭىرلەرگە ازىق-تۇلىك جەتكىزۋدىڭ گۋمانيتارلىق باعدارلامالارىن جۇزەگە اسىرۋعا مۇمكىندىك بەرەدى.
پرەمەر-ءمينيستردىڭ ورىنباسارى – ق ر ساۋدا جانە ينتەگراتسيا ءمينيسترى باقىت سۇلتانوۆ «د س ۇ- نىڭ بارلىق ەلدەرىن قازاقستاننىڭ ۇلگىسىمەن جۇرۋگە جانە وسى كونفەرەنتسيادان الەمدىك ازىق-تۇلىك داعدارىسىن شەشۋگە مۇمكىندىك بەرەتىن ناقتى ناتيجەلەرمەن ءوز ەلدەرىنە ورالۋعا شاقىرامىن»، - دەدى ءوز سوزىندە.
ايتا كەتەيىك، د س ۇ- نىڭ 12- مينيسترلىك كونفەرەنتسياسى الەمدىك ساۋدا ساياساتىنداعى ماڭىزدى وقيعا بولىپ تابىلادى جانە جەنيەۆادا 15- ماۋسىمعا دەيىن جالعاسادى.
