تاراپتار سيريا بويىنشا استانا پروتسەسىنىڭ الداعى كەزدەسۋىنە قاتىساتىنىن راستادى
سىرتقى ساياسي ۆەدومستۆونىڭ مالىمەتىنشە، كەلىسسوزگە كەپىلگەر-مەملەكەتتەر - رەسەي، تۇركيا جانە يران، سونداي-اق سيريا ۇكىمەتى مەن سيريالىق وپپوزيتسيا دەلەگاتسيالارى قاتىسادى.
كەزدەسۋگە باقىلاۋشىلار رەتىندە ب ۇ ۇ باس حاتشىسىنىڭ سيريا جونىندەگى ارنايى وكىلى كەڭسەسىنىڭ ساياسي ماسەلەلەر جونىندەگى باس قىزمەتكەرى روبەرت دانن، يوردانيا دەلەگاتسياسى، ب ۇ ۇ بوسقىندار ىستەرى جونىندەگى جوعارعى كوميسسارى باسقارماسىنىڭ جانە حالىقارالىق قىزىل كرەست كوميتەتىنىڭ وكىلدەرى قاتىسادى.
رەسەي دەلەگاتسياسى ر ف پرەزيدەنتىنىڭ سيريا جونىندەگى ارنايى وكىلى الەكساندر لاۆرەنتيەۆ، تۇركيا دەلەگاتسياسى س ءى م كوپجاقتى دەپارتامەنتىنىڭ باس ديرەكتورى سەلدجۋك ۋنال، يران دەلەگاتسياسى س ءى م ساياسي ماسەلەلەر جونىندەگى اعا كومەكشىسى الي اسگار حادجي دەڭگەيىندە قاتىسادى.
كەلىسسوزدەردىڭ كۇن تارتىبىنە سيرياداعى جاعداي، ونىڭ ىشىندە گۋمانيتارلىق جانە الەۋمەتتىك-ەكونوميكالىق احۋال، جەنيەۆاداعى سيريالىق كونستيتۋتسيالىق كوميتەت جۇمىسىنىڭ جاندانۋ پەرسپەكتيۆالارى، تاراپتار اراسىنداعى سەنىمدى نىعايتۋ، كەپىلگە الىنعانداردى بوساتۋ جانە ءىز-ءتۇزسىز جوعالعانداردى ىزدەۋ ماسەلەلەرى ەنەدى.
2022-جىلعى 15- ماۋسىمدا كەپىلگەر-ەلدەر ساراپشىلار دەڭگەيىندە ەكىجاقتى جانە ءۇشجاقتى كونسۋلتاتسيا وتكىزۋگە نيەتتى.
16- ماۋسىمدا بارلىق تاراپتاردىڭ قاتىسۋىمەن جالپى وتىرىس وتەدى.
