جۇمىس پەن جاۋاپكەرشىلىك ازايعان جوق - اسحات ايماعامبەتوۆ مينيسترلىكتىڭ ءبولىنۋى تۋرالى

None
None
نۇر-سۇلتان. قازاقپارات – ق ر وقۋ- اعارتۋ ءمينيسترى اسحات ايماعامبەتوۆ مينيسترلىك بولىنگەننەن كەيىنگى جۇمىس تۋرالى ايتىپ بەردى، دەپ حابارلايدى قازاقپارات ءتىلشىسى.

«جۇمىس ازايعان جوق، 1 ميلليونعا جۋىق بالا 10 مىڭعا جۋىق بالاباقشادا ءتالىم-تاربيە الىپ، وقىپ جاتىر. سونداي-اق 800-گە جۋىق كوللەدج جانە قوسىمشا ءبىلىم بەرەتىن ۇيىمدار بار. وعان قوسا بالالاردىڭ قۇقىعىن قورعاۋ ماسەلەسىن ۇمىتپايىق. 1 جاستان 18 جاسقا دەيىنگى بالالاردىڭ جاۋاپكەرشىلىگى ءبىزدىڭ موينىمىزدا. سوندىقتان جاۋاپكەرشىلىك تە، جۇمىس تا ازايعان جوق»، - دەدى اسحات ايماعامبەتوۆ ۇكىمەت وتىرىسىنان كەيىن تىلشىلەرگە بەرگەن سۇحباتىندا.

سونىمەن بىرگە، جۋرناليستەر «مينيسترلىك بولىنگەن سوڭ، جالاقى مولشەرى وزگەردى مە؟» دەگەن سۇراق قويدى.

«جالاقىعا قاتىستى ۇكىمەتتىڭ بەكىتكەن مولشەرى بار. بۇل بارلىق مينيسترلىك پەن بيۋدجەتتەن قارجىلاندىرىلاتىن ۇيىمدارعا قاتىستى، بارىنە بىردەي. جالاقىم ۇكىمەت بەكىتكەن مولشەردە. ونى قايتا-قايتا ايتۋدىڭ قاجەتى شامالى. جالاقىمدى 3-4 رەت ايتقانمىن. ەشقانداي وزگەرىس جوق. بۇل - مەملەكەتتىڭ بەكىتكەن مولشەرى»، - دەپ جاۋاپ بەردى اسحات ايماعامبەتوۆ.

بۇعان دەيىن وقۋ-اعارتۋ ءمينيسترى اتانعان اسحات ايماعامبەتوۆ الەۋمەتتىك جەلىدەگى پاراقشاسىندا جاڭا قىزمەتى جايلى وي بولىسكەن ەدى.

سوڭعى جاڭالىقتار