قاراعاندى وبلىسىندا جاپپاي مال قىرىلعان اۋىل كارانتينگە جابىلدى - ۆيدەو

None
None
قاراعاندى. قازاقپارات - قاراعاندى وبلىسىنىڭ شەت اۋدانى اقشوقى اۋىلىندا مال قىرىلۋ دەرەگى تىركەلدى.

وبلىستىق ۆەتەريناريا قىزمەتى اۋرۋدىڭ سەبەبىن انىقتاپ جاتىر. ازىرگە اۋىلدى قورشاي كارانتين بەكەتى ورناتىلعان، دەپ حابارلايدى قازاقپارات ءتىلشىسى.

مالدىڭ جاپپاي قىرىلۋىن اقشوقى اۋىلىنىڭ تۇرعىندارى سوڭعى ون كۇندە بايقاعان. ۆەتەرينارلار مۇنى بەلگىسىز ينفەكسيالىق اۋرۋ دەپ وتىر. بار-جوعى 240 باس مال دەرت جۇقتىرعان.

رەسمي دەرەكتەرگە سۇيەنسەك، 76 ءىرى قارا ارام ولگەن. ونىڭ ىشىندە باسىم بولىگى - بۇزاۋلار. اۋىل تۇرعىندارىنىڭ ايتۋىنشا، جانۋارلاردىڭ كەنەتتەن تابەتى جوعالىپ، جاتىپ قالادى.

«ولەكسەلەر ينسينەراتور ارقىلى ورتەلدى. جويۋ جۇمىستارى اۋىلدىق وكرۋگكە تيەسىلى ەسكى مال قورىمىنىڭ اۋماعىندا، مۇددەلى مەملەكەتتىك ورگانداردىڭ، اۋداندىق ۆەتەريناريالىق ستانتسيا ماماندارىنىڭ قاتىسۋىمەن جۇرگىزىلدى. ۆەتەرينارلار مال يەلەرىمەن بىرلەسىپ، اۋىرعان جانۋارلارعا سيمپتوماتيكالىق ەمدەۋ شارالارىن جۇرگىزىپ جاتىر»، - دەپ حابارلادى قاراعاندى وبلىستىق ۆەتەريناريا باسقارماسىنىڭ باسپا ءسوز قىزمەتى.

جالپى اقشوقى اۋىلدىق وكرۋگىندە 2,5 مىڭنان استام ءىرى قارا مال بار. ماماندار دەرتتىڭ تاراپ كەتۋىنە جول بەرمەس ءۇشىن اۋىلدىڭ كىرەبەرىسىنە بەكەت ورناتتى. اۋرۋدىڭ دياگنوزىڭ انىقتاۋ ماقساتىندا سىناما الىنىپ، رەسپۋبليكالىق ۆەتەريناريا زەرتحاناسىنىڭ قاراعاندى وبلىستىق فيليالىنا جەتكىزىلدى.


سوڭعى جاڭالىقتار