بۇگىن جەر تۇرعىندارى ەرەكشە كورىنىسكە كۋا بولماق

نۇر-سۇلتان. قازاقپارات - كەزەكتى تولعان اي 14-ماۋسىمدا باستالىپ، بۇل جولى جەر تۇرعىندارى ەرەكشە كورىنىسكە كۋا بولماق، دەپ حابارلايدى قازاقپارات.

اي نۇر-سۇلتان ۋاقىتىمەن ساعات 17:52-دە تولىپ، 11,5 ساعاتتان كەيىن ءوز وربيتاسىنىڭ جەرگە ەڭ جاقىن نۇكتەسى - پەريگەيدەن شامامەن 357429 شاقىرىمنان وتەدى، دەپ حابارلايدى «باقىلاۋ استرونومياسى» سايتى.

ايدىڭ كورىنەتىن ديامەترى ورتاشا مانگە قاتىستى شامامەن %8 ءوسىپ، جارىعى شامامەن %13 ارتادى. ال كوكجيەككە جاقىن جەردە (كەشكە جانە تاڭەرتەڭ) «اي يلليۋزياسىنا» بايلانىستى جەردىڭ سەرىگى ءىرى بولىپ كورىنىپ تۇرادى. استرولوگتار الداعى «سۋپەرايعا» قاتىستى ءتۇرلى پىكىر ايتىپ جاتىر. بۇل - ادامدار ءۇشىن كەشىرىم جاساپ، العىس بىلدىرە الاتىن ەڭ قولايلى ۋاقىت.