ۇلكەن تالدىكول جوباسى ساراپشىلاردىڭ وڭ قورىتىندىسىن الدى
«قازىرگى ۋاقىتتا ۇلكەن تالدىكولدە جۇرگىزىلگەن جوبالاۋ-ىزدەستىرۋ جۇمىستارى بەكىتىلىپ، جوبالار ساراپتاماسىنىڭ وڭ قورىتىندىسى الىندى.
جوبادا «تابيعي پارك» قاراستىرىلعان. بۇل جوبانى (+ كىشى تالدىكول) ىسكە اسىرۋ ءۇشىن بيىل 1 ميلليارد تەڭگە قاراجات ءبولىندى»، - دەپ جاۋاپ بەردى «نۇر-سۇلتان قالاسىنىڭ قورشاعان ورتانى قورعاۋ جانە تابيعات پايدالانۋ باسقارماسى» م م اگەنتتىك ساۋالىنا.
ۆەدومستۆو كىشى تالدىكول بويىنشا «رەكرەاتسيالىق ايماق» جوباسىن ازىرلەۋ بەلسەندى جۇرگىزىلىپ جاتقانىن اتاپ ءوتتى.
بۇل جوبالاردى ازىرلەۋ قالالىق تابيعي پارك قۇرۋدىڭ كەشەندى بىرەگەيلىگىن ماقسات ەتەدى، وسىلايشا جانۋارلار مەن سيرەك كەزدەسەتىن قۇستاردىڭ تابيعي مەكەندەۋ ورتاسىن ساقتاۋ مۇمكىندىگى پايدا بولادى.
«قالالىق تابيعي پارك قۇرۋدىڭ جاراتىلىستانۋ-عىلىمي نەگىزدەمەسىن قازاقستان بيوالۋانتۇرلىلىكتى ساقتاۋ قاۋىمداستىعى ازىرلەدى جانە مەملەكەتتىك ەكولوگيالىق ساراپتامانىڭ وڭ قورىتىندىسىن الدى. الەمدىك تاجىريبە كورسەتكەندەي، مۇنداي تابيعي پاركتەر تۋريستەردىڭ ءجيى كەلەتىن ورىندارىنىڭ ءبىرى بولادى. جۇمىستار جوبالار ساراپتاماسىنىڭ وڭ قورىتىندىسىن العاننان كەيىن باستالادى»، - دەدى باسقارما.
ەسكە سالساق، ەلورداداعى ۇلكەن جانە كىشى تالدىكولدە ەكوپارك قۇرۋعا 1 ميلليارد تەڭگە ءبولىندى.
