ءاليحان سمايىلوۆ ا ح ق و سوتىنىڭ توراعاسىمەن كەزدەستى

None
None
نۇر-سۇلتان. قازاقپارات - «استانا» حالىقارالىق قارجى ورتالىعىنىڭ (ا ح ق و) سوتى مەن حالىقارالىق تورەلىك ورتالىعى 1091 ءىستى قارادى.

بۇل تۋرالى ق ر پرەمەر-ءمينيسترى ءاليحان سمايىلوۆتىڭ ا ح ق و سوتىنىڭ ءتوراعاسى لورد مانسپەن كەزدەسۋىندە ايتىلدى، دەپ حابارلايدى قازاقپارات primeminister.kz سايتىنا سىلتەمە جاساپ.

كەزدەسۋدە ۇكىمەت باسشىسى قازاقستاندا قارجى سەكتورىن دامىتۋعا ەرەكشە كوڭىل بولىنەتىنىن اتاپ ءوتتى.

«ا ح ق و - ينۆەستورلار ءۇشىن قولايلى ورتا قۇرۋ، باعالى قاعازدار نارىعىن دامىتۋ جانە ونى حالىقارالىق كاپيتال نارىعىمەن بىرىكتىرۋ ارقىلى ەكونوميكاعا ينۆەستيتسيا تارتاتىن ورتالىق»، — دەدى ءاليحان سمايلوۆ.

پرەمەر-مينيستر ا ح ق و قۇرامىنا كىرەتىن سوت پەن حالىقارالىق تورەلىك ورتالىعى (ح ت و) ينۆەستورلار سەنىمىن نىعايتۋدا، قۇقىق داۋلارىن شەشۋ كەزىندە بەيتاراپتىلىققا كەپىل بەرۋدە ماڭىزدى ءرول اتقاراتىنىن ايتتى.

ءوز كەزەگىندە لورد مانس اتاپ وتكەندەي، ەۋرازيا اۋماعىندا كوممەرتسيالىق داۋلاردى شەشۋدە ا ح ق و سوتى مەن ح ت و ءبىرىنشى كەزەكتە تاڭداپ الىنادى.

«ءبىز بۇكىل الەمدە قۇرمەتكە يە زاڭ ۇستەمدىگىن، سوت تورەلىگىن جانە جالپى قۇقىقتى بەلسەندى تۇردە ىلگەرىلەتە وتىرىپ، قازاقستاندا ينۆەستيتسيالىق كليماتتى دامىتۋعا ەلەۋلى ۇلەس قوسامىز»، — دەدى لورد مانس.

بۇگىنگە دەيىن ا ح ق و سوتى جانە ح ت و 1091 ءىستى قارادى، ونىڭ ىشىندە 36 سوت شەشىمى شىعارىلىپ، سايتتا جاريالاندى. سونداي-اق 1055 تورەلىك جانە مەدياتيۆتىك ءىس ح ت و- دا قارالدى. كەزدەسۋ بارىسىندا تاراپتار ا ح ق و سوتىنىڭ قازىرگى قىزمەتى مەن الداعى جوسپارلارىن تالقىلادى.

ايتا كەتەيىك، 2018-جىلعى 1- قاڭتاردان باستاپ ا ح ق و- دا داۋلاردى شەشۋ جونىندەگى تاۋەلسىز ورگان – ا ح ق و سوتى جۇمىس ىستەيدى. ول ەرەكشە مارتەبەگە يە جانە ق ر سوت جۇيەسىنە كىرمەيدى. سوتتىڭ ءىس جۇرگىزۋ ەرەجەلەرى اعىلشىن جالپى قۇقىعىنىڭ نورمالارى مەن قاعيداتتارىنا، سونداي-اق ۇزدىك حالىقارالىق تاجىريبەگە نەگىزدەلگەن. بۇگىنگى تاڭدا ا ح ق و سوتىندا 27 ەلدەن 358 زاڭگەر ۇسىنىلعان. ونىڭ ىشىندە قازاقستاندىق زاڭگەرلەر دە بار. 2019-جىلدىڭ باسىندا ejustice داۋلاردى شەشۋ ونلاين-جۇيەسى ىسكە قوسىلدى. ول تاراپتارعا ا ح ق و جانە ح ت و سوتىنا الەمنىڭ كەز كەلگەن نۇكتەسىنەن ەلەكتروندىق تۇردە تالاپ قويۋعا مۇمكىندىك بەرەدى.

سوڭعى جاڭالىقتار