كەلەسى جىلدان باستاپ اقتوبەدە يتتەرگە چيپ تاعىلادى

نۇر- سۇلتان. قازاقپارات - اقتوبەدە قۇتىرعان يتتەردى اۋلاۋعا 41 ميللين تەڭگە ءبولىندى. بۇل تۋرالى وبلىستىڭ الەۋمەتتىك- ەكونوميكالىق دامۋى تۋرالى بايانداعان ءوڭىر باسشىسى وڭداسىن ورازالين ءمالىم ەتتى، دەپ حابارلايدى قازاقپارات ءتىلشىسى.

«قۇتىرعان يتتەردى اۋلاۋعا 41 ميلليون تەڭگە ءبولىندى. قاجەت بولعان جاعدايدا قوسىمشا قارجى قاراستىرۋعا دايىنبىز. قۇتىرعان يتتەردى باعۋ، ەمدەۋ ماسەلەسى تاعى بار. وعان دا ءتيىستى قاراجات ءبولۋ كەرەك. يتتەردى كۇتەتىن 2 ورىن بار. ولار «نيكا» جانە ۆەتەريناريالىق ستانتسيا ماڭىندا ورنالاسقان ورىندار. وسىنداي جەرلەردىڭ سانىن ارتتىرۋ كوزدەلىپ وتىر»، - دەدى وبلىس اكىمى.

وڭداسىن ورازاليننىڭ مالىمەتىنشە، كەلەر جىلدان باستاپ يتتەرگە چيپ تاعىلىپ، ەسەپكە الىنادى. بىلتىر اقتوبەدە ءتيىستى ورگان 17500 دەن استام ءيتتىڭ كوزىن جويعان.