ۇلتتىق قوردى باسقارۋ ساياساتىنا وزگەرىس ەنگىزىلمەك

None
None
نۇر- سۇلتان. قازاقپارات – ق ر ۇلتتىق ەكونوميكا ءمينيسترى الىبەك قۋانتىروۆ 2022 -جىلى ۇلتتىق قور ترانسفەرتتەرىنە قاتىستى تۇسىنىك بەردى، دەپ حابارلايدى قازاقپارات ءتىلشىسى.

«رەسپۋبليكالىق بيۋدجەت پەن ۇلتتىق قور قاراجاتىن شوعىرلاندىرۋ ماسەلەسى كۇن تارتىبىندە تۇرماۋى كەرەك. ۇلتتىق قور قاجاتىنىڭ ءبىر بولىگىن پايدالانۋ - ول دۇرىس قادام. اتاپ ايتقاندا، قازىرگى كەزدە وسىنى ىسكە اسىرىپ جاتىرمىز. ۇلتتىق قوردىڭ يدەياسىنا توقتالساق، ول بولاشاق ۇرپاقتىڭ قورى رەتىندە، سونداي- اق تۇراقتاندىرۋ مەن داعدارىسقا قارسى قىزمەتتى ورىنداۋ ماقساتىندا قۇرىلدى. ال تۇراقتاندىرۋ مىندەتى ەكونوميكادان شامادان تىس اقشا كولەمىن شىعارۋعا ارنالعان. سەبەبى بۇل جۇمىستار اتقارىلماسا، وندا بىزدە اۋقىمدى ينفلياتسيا قىسىمى بولار ەدى»، - ءا. قۋانتىروۆ ورتالىق كوممۋنيكاتسيالار قىزمەتىندە.

وسى ورايدا ۇلتتىق قور ءوز قىزمەتىن لايىقتى دەڭگەيدە ورىنداپ كەلە جاتقانىن اتاپ ءوتتى.

«ءتيىستى باستامالاردى ەسكەرە وتىرىپ، بيىل ترانسفەرت ارتتى. قاراجات داعدارىسقا قارسى ءىس- شارالارعا باعىتتالدى. سونىمەن قاتار، ۇكىمەت بۇل قاراجاتتىڭ ءبىر بولىگىن تازا كىرىستەن ەمەس، مۇنايدان كەلەتىن قوسىمشا تۇسىمدەر ەسەبىنەن پايدالانباق. ويتكەنى بيۋدجەتتە 60 تان 90 ا ق ش دوللارىنا دەيىن تۇزەتىلگەن بولاتىن. وسى ورايدا جىل بويى ۇلتتىق قورعا تۇسەتىن قوسىمشا قاراجات ەكونوميكانى قولداۋعا باعىتتالادى»، - دەدى مينيستر.

ونىڭ سوزىنە قاراعاندا، جاھاندىق ەكونيكاداعى قۇبىلمالى احۋالدى ەسكەرە وتىرىپ، ۇلتتىق قوردىڭ داعدارىسقا قارسى قىزمەتى ىسكە قوسىلادى.

«الداعى جىلى ۇلتتىق قوردان ترانسفەرتتەردى تومەندەتۋ جوسپارلانعان. اتاپ ايتقاندا، وسى باعىتتا ءتيىستى جوسپار پىسىقتالعان بولاتىن. جالپى، اكتيۆتەر الداعى ۋاقىتتا دا ءوسۋى ءۇشىن ۇلتتىق قوردى باسقارۋ ساياساتىن ءتيىستى دەڭگەيدە تۇزەتۋدى ويلاستىرىپ جاتىرمىز»، - دەدى ءا. قۋانتىروۆ.

بۇدان بۇرىن حابارلانعانداي، الىبەك قۋانتىروۆ جاڭادان قۇرىلعان وبلىستاردا ينفراقۇرىلىم مەن جولداردىڭ ساپاسىنا قاتىستى پروبلەما بار ەكەنىن ايتتى.

سوڭعى جاڭالىقتار