ۇكىمەتتە قونايەۆ قالاسىنداعى كازينونى جابۋ ماسەلەسى قارالادى

نۇر- سۇلتان. قازاقپارات - ۇلتتىق ەكونوميكا ءمينيسترى الىبەك قۋانتىروۆ قونايەۆ قالاسىنداعى (بۇرىنعى قاپشاعاي قالاسى) كازينولاردى جابۋ مۇمكىندىگىنە قاتىستى تۇسىنىك بەردى، دەپ حابارلايدى قازاقپارات ءتىلشىسى.

«بۇل ماسەلە ۇلتتىق ەكونوميكا مينيسترلىگى دەڭگەيىندە ءالى تالقىلانبادى. مەنىڭ ويىمشا، قونايەۆ قالاسىنىڭ ەرەكشە مارتەبەسىن ەسكەرە وتىرىپ، وسى تاقىرىپ بويىنشا قوسىمشا تالقىلاۋ بولادى. اتاپ ايتقاندا، بۇل باعىتتاعى قادامدار ەگجەي- تەگجەيلى پىسىقتالادى»، - دەدى ءا. قۋانتىروۆ ورتالىق كوممۋنيكاتسيالار قىزمەتىندە.

بۇدان بۇرىن حابارلانعانداي، الىبەك قۋانتىروۆ جاڭادان قۇرىلعان وبلىستاردا ينفراقۇرىلىم مەن جولداردىڭ ساپاسىنا قاتىستى پروبلەما بار ەكەنىن ايتتى.

وتكەن اپتادا بەرىك ءابدىعالي ۇلى ۇلىتاۋ وبلىسىنىڭ اكىمى لاۋازىمىنا تاعايىندالدى. سونىمەن قاتار، مارات سۇلتانعازيەۆ الماتى وبلىسىنىڭ اكىمى بولدى، نۇرلان ۇرانحايەۆ اباي وبلىسىنىڭ اكىمى لاۋازىمىنا تاعايىندالدى. ال جەتىسۋ وبلىسىنىڭ اكىمى قىزمەتىنە بەيبىت يسابايەۆ كەلدى.