پرەزيدەنت التىن مەن ۆاليۋتا اكەتۋگە تىيىم سالاتىن جارلىققا تولىقتىرۋ ەنگىزدى

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ەل اۋماعىنان التىن مەن شەتەل ۆاليۋتاسىن اكەتۋگە قاتىستى جارلىعىنا تولىقتىرۋ ەنگىزدى، دەپ حابارلايدى قازاقپارات.

بۇگىن باسپا ءسوز بەتتەرىندە پرەزيدەنتتىڭ ارنايى جارلىعى جاريالاندى.

«قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ شارالارى تۋرالى» قازاقستان رەسپۋبليكاسى پرەزيدەنتىنىڭ 2022 -جىلعى 14-ناۋرىزداعى № 830 جارلىعىنا تولىقتىرۋ ەنگىزۋ تۋرالى قاۋلى ەتەمىن:

1. «قازاقستان رەسپۋبليكاسىنىڭ قارجى لىق تۇراقتىلىعىن قامتاماسىز ەتۋ شارالارى تۋرالى» قازاقستان رەسپۋبليكاسى پرەزيدەنتىنىڭ 2022 -جىلعى 14-ناۋرىزداعى № 830 جارلىعىنا مىناداي تولىقتىرۋ ەنگىزىلسىن: مىناداي مازمۇنداعى 1-1-تارماقپەن تولىقتىرىلسىن: «1-1. وسى جارلىقتىڭ 1-تارماعىنىڭ تالاپتارى:

1) قازاقستان رەسپۋبليكاسى ۇلتتىق بانكىنىڭ وپەراتسيالارىنا، سونداي- اق قازاقستان رەسپۋبليكاسى ۇلتتىق بانكىنىڭ قۇرىلىمىنا كىرەتىن ۇيىمداردىڭ وپەراتسيالارىنا؛

2) قازاقستان رەسپۋبليكاسىنىڭ اۋماعىنا ەۋرازيالىق ەكونوميكالىق وداققا مۇشە بولىپ تابىلمايتىن مەملەكەتتىڭ اۋماعىنان اكەلىنگەن جانە قايتا وڭدەۋ شارتتارى تۋرالى قۇجات جانە مەملەكەتتىك باقىلاۋ اكىسى نەگىزىندە «كەرى ەكسپورت» كەدەندىك راسىمىمەن مالىمدەلەتىن شەتەلدىك شيكىزاتتى قايتا وڭدەۋدەن كەيىن الىنعان اففينيرلەنگەن التىندى اكەتۋگە؛

3) ەۋرازيا ەكونوميكالىق وداعىنا مۇشە مەملەكەتتىڭ الىس- بەرىس شيكىزاتىن قايتا وڭدەگەننەن كەيىن الىنعان اففينيرلەنگەن التىندى سول ەۋرازيا ەكونوميكالىق وداعىنا مۇشە مەملەكەتتىڭ اۋماعىنا اففينيرلەنگەن التىندى كەيىننەن اكەتە وتىرىپ (قايتا وڭدەۋ شارتتارى تۋرالى قورىتىندى نەگىزىندە) اكەتۋگە؛

4) ەكىنشى دەڭگەيدەگى بانكتەردىڭ شەتەلدىك بانكپەن جاساسقان ءتيىستى شارتى نەگىزىندە جۇزەگە اسىرىلاتىن تولەمدىك ەمەس جانە (نەمەسە) اينالىسقا جارامسىز قولما- قول شەتەل ۆاليۋتاسىن اكەتۋىنە؛

5) قازاقستان رەسپۋبليكاسى ۇكىمەتىنىڭ جەكەلەگەن اكتىلەرىندە ايقىندالاتىن وزگە دە جاعدايلارعا قولدانىلمايدى دەپ بەلگىلەنسىن».

2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق. توقايەۆ

نۇر- سۇلتان، اقوردا، 2022 -جىلعى 11-ماۋسىم № 923

ەسكە سالا كەتەيىك، 14-ناۋرىزدا مەملەكەت باسشىسى قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ شارالارى تۋرالى قاۋلىعا قول قويعان ەدى. اتالعان قاۋلىدا ق ر ۇلتتىق بانكى اكەتۋ كۇنىنە بەلگىلەگەن باعام بويىنشا ەسەپتەلگەن جانە 10000 (ون مىڭ) ا ق ش دوللارى بالاماسىنان اساتىن سوماداعى قولما- قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن؛

ۇلتتىق بانكى شىعاراتىن اففينيرلەنگەن التىننىڭ 5، 10، 20، 50 جانە 100 گرامم التىن قۇيمالارىن جانە التىننان جاسالعان «ALTYN BARYS» جانە كۇمىستەن جاسالعان «KFMIS BARYS» ينۆەستيتسيالىق مونەتالارىن، سونداي- اق 100 گرامنان استام اففينيرلەنگەن التىندى اكەتۋگە تىيىم سالىنعان ەدى.

اۆتور: مارلان جيەمباي