جاڭا وبلىستارداعى اكىمشىلىك عيماراتتارعا قانشا قاراجات بولىنەدى

None
None
نۇر- سۇلتان. قازاقپارات - جاڭادان قۇرىلعان وبلىس ورتالىقتارىندا اكىمشىلىك عيماراتتار ساتىپ الۋعا جانە جوندەۋ جۇمىستارىنا 12 ميلليارد تەڭگە كەرەك.

بۇل تۋرالى ق ر ۇلتتىق ەكونوميكا ءمينيسترى الىبەك قۋانتىروۆ ءمالىم ەتتى، دەپ حابارلايدى قازاقپارات ءتىلشىسى.

«قازىرگى كەزدە جەرگىلىكتى اتقارۋشى ورگاندار وبلىس ورتالىقتارىنداعى جوندەۋ جۇمىستارىنا، اكىمشىلىك عيماراتتاردى الۋعا قاتىستى بيۋدجەت قاراجاتىنىڭ ءتيىستى كولەمىن ايقىندادى. الدىن الا ەسەپتەۋلەر بويىنشا وسى باعىتتا قاجەت قاراجات سوماسى 12 ميلليارد تەڭگە شاماسىندا بولدى. بيۋدجەت قاراجاتىن ءبولۋ ماسەلەسى زاڭناماعا سايكەس جۇزەگە اسىرىلادى» ، - دەدى ءا. قۋانتىروۆ.

ونىڭ ايتۋىنشا، مينيسترلىك جاڭادان قۇرىلعان وبلىستاردا ينفراقۇرىلىم نىساندارىنا، جىلجىمايتىن مۇلىك قورى، اكىمشىلىك عيماراتتارعا جوندەۋ جۇرگىزۋ تۇرعىسىندا تالداۋ جۇرگىزدى.

«جالپى، جاڭا وبلىس ورتالىقتارىندا مەملەكەتتىك ورگاندار مەن قىزمەتكەرلەردىڭ جۇمىسىنا قاجەت اكىمشىلىك عيماراتتار جەتكىلىكتى»، - دەدى مينيستر.

بۇدان بۇرىن حابارلانعانداي، الىبەك قۋانتىروۆ جاڭادان قۇرىلعان وبلىستاردا ينفراقۇرىلىم مەن جولداردىڭ ساپاسىنا قاتىستى پروبلەما بار ەكەنىن ايتتى.

وتكەن اپتادا بەرىك ءابدىعالي ۇلى ۇلىتاۋ وبلىسىنىڭ اكىمى لاۋازىمىنا تاعايىندالدى. سونىمەن قاتار، مارات سۇلتانعازيەۆ الماتى وبلىسىنىڭ اكىمى بولدى، نۇرلان ۇرانحايەۆ اباي وبلىسىنىڭ اكىمى لاۋازىمىنا تاعايىندالدى. ال جەتىسۋ وبلىسىنىڭ اكىمى قىزمەتىنە بەيبىت يسابايەۆ كەلدى.

اۆتور: رۋسلان عابباسوۆ

سوڭعى جاڭالىقتار