نۇرلان ۇرانحايەۆ اباي وبلىسىنىڭ اكىمى لاۋازىمىنا تاعايىندالدى

نۇر-سۇلتان. قازاقپارات - نۇرلان تەلمان ۇلى ۇرانحايەۆ اباي وبلىسىنىڭ اكىمى لاۋازىمىنا تاعايىندالدى.

ءتيىستى جارلىققا ق ر پرەزيدەنتى قاسىم-جومارت توقايەۆ قول قويدى، دەپ حابارلايدى اقوردانىڭ باسپا ءسوز قىزمەتى.

«نۇرلان تەلمان ۇلى ۇرانحايەۆ اباي وبلىسىنىڭ اكىمى لاۋازىمىنا تاعايىندالسىن» دەلىنگەن مەملەكەت باسشىسىنىڭ جارلىعىندا.

نۇرلان ۋرانحايەۆ 1965-جىلى 4 - مامىردا سەمەي قالاسىندا دۇنيەگە كەلگەن.

1987-جىلى ۆ. ي. لەنين اتىنداعى قازاق پوليتەحنيكالىق ينستيتۋتىن ينجەنەر-مەحانيك، 2001-جىلى قازاق قارجى-ەكونوميكالىق ينستيتۋتىن ەكونوميست-مەنەدجەر، 2006-جىلى شىعىس قازاقستان مەملەكەتتىك تەحنيكالىق ۋنيۆەرسيتەتىن ينجەنەر-قۇرىلىسشى ماماندىعى بويىنشا ءتامامداعان.

ەڭبەك جولىن 1987-جىلى سلەسار-مونتاجشى بولىپ باستادى. بۇدان كەيىنگى جىلداردا ول سەمەي قالاسىنىڭ «كازپرومتەحمونتاج» ترەسىندە ماستەر، پروراب بولىپ ىستەدى.

ءار جىلدارى سەمەي قالاسىنداعى «سارى-ارقا» ا و ك باسشىسى، «كازيركۋتسكلەس» ا و ز ت باس ديرەكتورى، شىعىس قازاقستان وبلىسى ەنەرگەتيكا، تۇرعىن ءۇي-كوممۋنالدىق شارۋاشىلىق، قۇرىلىس جانە كولىك بارقارماسىنىڭ باسشىسى، شىعىس قازاقستان وبلىسى كۇردەلى قۇرىلىس باسقارماسىنىڭ باستىعى، شىعىس قازاقستان وبلىسى اكىمىنىڭ ورىنباسارى، استانا قالاسىنىڭ ت ج م مەملەكەتتىك ماتەريالدىق رەزەرۆى كوميتەتىنىڭ ءتوراعاسى، قازاقستان رەسپۋبليكاسى پرەزيدەنتى اكىمشىلىگىندە مەملەكەتتىك ينسپەكتور، «ەرتىس» ا ك ك باسقارما باسشىسىنىڭ ورىنباسارى، قىزىلوردا وبلىسى اكىمىنىڭ ورىنباسارى، سەمەي قالاسى گۋمانيتارلىق زاڭ ۋنيۆەرسيتەتى پرەزيدەنتىنىڭ كەڭەسشىسى، قازاقستان رەسپۋبليكاسى تۇتىنۋشىلاردىڭ قۇقىقتارىن قورعاۋ اگەنتتىگى ءتوراعاسىنىڭ ورىنباسارى، ۇلتتىق ەكونوميكا مينيسترلىگىنىڭ «قازق س ع ز ج ي» ا ق باس ديرەكتورى، الماتى قالاسى ساۋلەت جانە قالا قۇرىلىسى باسقارماسىنىڭ باسشىسى قىزمەتتەرىن اتقارعان.

ال، بۇگىنگە دەيىن نۇر-سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى بولدى.