ۇلىتاۋ وبلىستىق ءماسليحاتى جاڭا اكىمدى قالاي سايلادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ تاپسىرماسىمەن پرەزيدەنت اكىمشىلىگىنىڭ باسشىسى مۇرات نۇرتىلەۋ ۇلىتاۋ ءوڭىرىنىڭ بارلىق دەڭگەيدەگى ءماسليحاتتارىنىڭ وتىرىسىنا قاتىسۋ ءۇشىن جۇمىس ساپارىمەن جەزقازعان قالاسىنا باردى، دەپ حابارلايدى اقوردانىڭ باسپا ءسوز قىزمەتى.

مۇرات نۇرتىلەۋ دەپۋتاتتاردىڭ قاراۋىنا پرەزيدەنتتىڭ ۇلىتاۋ وبلىسىنىڭ اكىمى لاۋازىمىنا ءابدىعالي ۇلى بەرىك پەن شايداروۆ سەرىك جامانقۇل ۇلىنىڭ كانديداتۋرالارىن ۇسىنۋ تۋرالى حاتىن وقىپ بەردى.

اشىق داۋىس بەرۋ ناتيجەسىندە 64 دەپۋتاتتىڭ 51 ءى بەرىك ءابدىعالي ۇلىن قولدادى، 13 دەپۋتات سەرىك شايداروۆقا داۋىس بەرگەن.