فۋتبولدان ۇلتتار ليگاسىندا قازاقستان بەلارۋسپەن تەڭ ءتۇستى
ويىن بارىسىندا قازاقستاندىق فۋتبولشىلار تىزگىندى ءوز قولىنا الۋعا تىرىستى. ناتيجەسىندە ءبىرىنشى كەزەڭنىڭ 13-مينۋتىندا ابات ايىمبەتوۆ مەرگەندىگىمەن كوزگە ءتۇستى. بۇل - اباتتىڭ اتالعان تۋرنير بارىسىندا سوققان ءۇشىنشى گولى. بۇدان بۇرىن ءوز الاڭىنداعى ازەربايجانمەن كەزدەسۋدە ول قوس گولدىڭ اۆتورى اتانعان بولاتىن.
ەكىنشى كەزەڭدە بەلارۋس قۇراماسى تارازى باسىن تەڭەستىرۋگە ۇمتىلدى. ويىننىڭ 85-مينۋتىندا بەلارۋستىك ۆلاديسلاۆ مالكيەۆيچ گول سوعىپ كەتتى.
كەزدەسۋدە قۇرامالار 1:1 ەسەبىنە قاناعات ءبىلدىردى.
ەندى قازاقستان 13- ماۋسىمدا ءوز الاڭىندا سلوۆاكيانى قابىلدايدى.
ءۇش ويىننان كەيىن قازاقستان 7 ۇپايمەن كوش باسىندا كەلەدى.
ايتا كەتسەك، بۇدان بۇرىن س ليگاسى ءۇشىنشى توبىندا قازاقستان ازەربايجان مەن سلوۆاكيانى 1:0 ەسەبىمەن تىزە بۇكتىردى.
ەسكە سالساق، اتالعان توپتا ءوز الاڭىندا ازەربايجان سلوۆاكياعا 0:1 ەسەبىمەن جول بەردى.
