قازاقستاندىق تەننيسشى فرانسياداعى تۋرنيردىڭ فينالىنا شىقتى

نۇر-سۇلتان. قازاقپارات - قازاقستاننىڭ جۇپتىق سىنداعى ءبىرىنشى، الەمنىڭ 22-راكەتكاسى اننا دانيلينا فرانسياداعى بيارريتسە W60 تۋرنيرىنىڭ فينالىنا شىقتى، دەپ حابارلايدى قازاقپارات ءتىلشىسى.
None
None

جارىستىڭ ءبىرىنشى راكەتكاسى بولىپ تىركەلگەن ا. دانيلينا مەن ۋكراينالىق ۆالەريا ستراحوۆا جارتىلاي فينالدا بەلگيالىقتار ماري بەنۋا - يسالين بوناۆانتيۋرمەن كەزدەستى.

قازاقستاندىق-ۋكراينالىق جۇپ 1 ساعاتتان استام ۋاقىتقا سوزىلعان ماتچتا 6:3، 6:2 ەسەبىمەن جەڭىسكە جەتتى.

ا. دانيلينا مەن ۆ. ستراحوۆا فينالدا ارگەنتينالىق ماريا لۋردەس كارلە - رەسەيلىك ماريا تيموفەيەۆامەن باس جۇلدەنى ساراپقا سالادى.

ا. دانيلينا جەكەلەي سىندا فرانتسيالىق ليۋسي نگۋەن- تاننان 3:6، 4.6 ەسەبىمەن ۇتىلىپ، جارتىلاي فينالعا وتە المادى.

ەلەنا رىباكينا رەسەيلىك ليۋدميلا سامسونوۆامەن بىرگە حەرتوگەنبوس (نيدەرلاندى) WTA 250 تۋرنيرىنىڭ شيرەك فينالىنا شىعا المادى. ولار اۋستراليالىق ەللەن پەرەس - سلوۆەنيالىق تامارا زيدانشەكپەن وتكەن ماتچتا ەسەپ 6:1، 6:7 (6:8) بولعاننان كەيىن باسەكەنى جالعاستىرۋدان باس تارتتى.

ەرلەر اراسىندا قازاقستاندىق الەكساندر نەدوۆەسوۆ پاكستاندىق ايسام كۋرەشيمەن بىرگە شتۋتگارت ATP 250 دوداسىنىڭ شيرەك فينالىندا كانادالىق دەنيس شاپوۆالوۆ - ءۇندىستاندىق روحان بوپانناعا جول بەردى - 4:6، 6:3, 9:11.

ميحايل كۋكۋشكين نوتتينگەم ( ۇلى بريتانيا) چەللەندجەر جارىسىنىڭ شيرەك فينالىندا اۋستراليالىق دجوردان تومپسوننان ايلاسىن اسىرا المادى - 2:6, 6:4، 3:6.

م. كۋكۋشكين جۇپتىق سىندا دا اۋستراليالىق دجون ميللمانمەن بىرگە شيرەك فينالدا ۇلى بريتانيالىقتار دجۋليان كەش - انري پاتتەننەن جەڭىلىس تاپتى - 3:6، 2:6.

ەسكە سالا كەتەيىك، بۇدان بۇرىن ميحايل كۋكۋشكيننىڭ ۇلى بريتانياداعى تۋرنيردىڭ شيرەك فينالىنا وتكەنىن جازعان بولاتىنبىز.

سوڭعى جاڭالىقتار