پرەزيدەنت وپات بولعان «ارسەلورميتتال تەمىرتاۋ» جۇمىسشىلارىنىڭ جاقىندارىنا كوڭىل ايتتى

نۇر-سۇلتان. قازاقپارات - قاسىم-جومارت توقايەۆ قاراعاندى وبلىسىندا قازا بولعان جۇمىسشىلاردىڭ جاقىندارى مەن تۋىستارىنا كوڭىل ايتۋ جەدەلحاتىن جولدادى، دەپ حابارلايدى قازاقپارات.

جەدەلحاتتىڭ ءماتىنىن پرەزيدەنتتىڭ باسپا ءسوز قىزمەتى جاريالادى.

- «ارسەلورميتتال تەمىرتاۋ» اكسيونەرلىك قوعامىنىڭ سەحىندا بولعان اپات سالدارىنان قازاعا ۇشىراعان جۇمىسشىلاردىڭ وتباسىلارى مەن تۋعان-تۋىستارىنىڭ قايعىسىنا ورتاقتاسىپ، كوڭىل ايتامىن. زارداپ شەككەن ازاماتتاردىڭ تەزىرەك ساۋىعىپ كەتۋىن تىلەيمىن. ۇكىمەتكە جانە قاراعاندى وبلىسىنىڭ اكىمىنە قايعىلى وقيعانىڭ سەبەپتەرى مەن ءمان-جايىن انىقتاۋ ءۇشىن شۇعىل شارالار قابىلداۋدى جانە قازا تاپقاندار مەن زارداپ شەككەندەردىڭ وتباسىلارىنا كومەك كورسەتۋدى تاپسىردىم»، - دەپ جازىلعان مەملەكەت باسشىسىنىڭ جەدەلحاتىندا.