ارقارلار قىرىلىپ جاتىر

بىشكەك. كابار-قازاقپارات - قىرعىزستاننىڭ تابيعي رەسۋرستار، ەكولوگيا جانە تەحنيكالىق قاداعالاۋ مينيسترلىگى ىستىقكول وبلىسى جەتى-وعىز اۋدانىندا ارقارلاردىڭ قىرىلۋ سەبەبىن ايتتى، دەپ حابارلايدى قازاقپارات كابار اگەنتتىگىنە سىلتەمە جاساپ.

ۆەدومستۆونىڭ مالىمەتىنشە، ينسپەكتورلار تەكسەرىس جۇرگىزگەن. ولاردىڭ ايتۋىنشا، قار قالىڭ جاۋىپ، سونىڭ سالدارىنان ازىق بولماي قالعان. بۇل جانۋارلاردىڭ جاپپاي قىرىلۋىنا اكەلىپ وتىر.

ءقۇمتور اۋدانىندا 11، سارىچات-ەرتاش قورىعىندا 24، بارلىعى 35 ارقاردىڭ قىرىلعانى انىقتالدى.

«بۇگىنگى تاڭدا بۇل جەرلەردە قار جىلدام ەرىپ، جولدار شايىلىپ جاتىر. سوندىقتان، ولگەن جانۋارلاردىڭ ناقتى سانىن انىقتاۋ مۇمكىن ەمەس. قوسىمشا اقپارات كەيىنىرەك بولادى»، - دەلىنگەن حابارلامادا.