يزرايل كوۆيدتىڭ التىنشى تولقىنى باستالعانىن جاريالادى
اۋرۋ جۇقتىرۋ كورسەتكىشتەرى مامانداردى مامىر ايىنان بەرى الاڭداتا باستادى. ناۋقاستار سانى ءوسىپ، ۆيرۋستىڭ تارالۋى جيىلەدى. بۇل ءبىر ناۋقاستىڭ قانشا ادامعا جۇقتىرعانىن سيپاتتايتىن كورسەتكىش. 7- ماۋسىمدا 16 مىڭنان اسا، 8- ماۋسىمدا 19 مىڭ، ال 10- ماۋسىمدا 22 مىڭ ناۋقاس انىقتالدى.
ياكوۆ بەركۋن، «اداسسا» اۋرۋحاناسى پەدياتريا ءبولىمىنىڭ مەڭگەرۋشىسى:
- بۇل ۆيرۋس ءبىزدى تالاي تاڭقالدىردى. ۇجىمدىق يممۋنيتەتكە كەلسەك، ول تۇسىنىكسىز بولىپ تۇر، ويتكەنى ۇنەمى وزگەرىپ تۇرادى. باسقا شتامم پايدا بولۋى مۇمكىن. وميكرون جاعدايى قايتالانۋى ىقتيمال. اۋىرىپ شىققان ادامداردىڭ كوبى وميكروننان ساقتانا العان جوق. ءبىراق وميكرون كادىمگى رەسپيراتورلىق اۋرۋعا ۇقساس بولىپ كەتتى. ياعني وزگە شتامم پايدا بولسا، ول دا جەڭىل ءوتۋى مۇمكىن.
دەنساۋلىق ساقتاۋ مينيسترلىگى «ەلدە ىندەتتىڭ التىنشى تولقىنى باستالدى» دەپ دابىل قاقتى. الايدا ول كوپ قاسىرەت اكەلگەن دەلتا شتامىنان جەڭىل ءوتۋى مۇمكىن.
ياكوۆ بەركۋن، «اداسسا» اۋرۋحاناسى پەدياتريا ءبولىمىنىڭ مەڭگەرۋشىسى:
- ەڭ باستىسى، ۆاكسينا كوۆيدتىڭ اۋىر وتۋىنەن ساقتايدى. ەگەر وزگەرگەن شتامم پايدا بولسا، ەكپە سالدىرعان جانە جازىلىپ شىققان ادامدار ونى جەڭىل قابىلدايدى. ۆيرۋس راسىندا دا السىرەدى. ۆاكسينالاۋ ىندەتتى قۇرتقان جوق. دەگەنمەن، ءوز كومەگىن تيگىزدى. ماسكا تاعۋ ءتارتىبىنىڭ كۇشىن جويۋ - قاتە شەشىم. ويتكەنى بۇل قيىن شارا ەمەس. ءالى كۇنگە دەيىن ناۋقاس كوپ، ال ماسكا اۋرۋ جۇقتىرۋدان ساقتايدى. ىندەتتىڭ جاڭا تولقىنى باستالعاندىقتان ماماندار كارانتيندىك شەكتەۋلەردىڭ ءبىرقاتارىن قايتا ەنگىزۋ كەرەك دەيدى. ماسكا تاعىپ، ۇنەمى قول جۋىپ، ادام كوپ جينالاتىن ورىندارعا بارماۋ كەرەك. كوروناۆيرۋس السىرەگەنمەن ءالى دە ءقاۋىپتى دەرت.
دەنساۋلىق ساقتاۋ مينيسترلىگى حالىقتىڭ وسال توپتارىنا ءۇشىنشى ەكپە سالۋعا نۇسقاۋ بەردى. ماماندار ماسكا تاعۋ ءتارتىبىنىڭ كۇشىن جويۋ اسىعىس شەشىم بولدى دەيدى. سەرگەي اۋسلەندەر
www.24.kz
