الەمدەگى ەڭ باي ءيت

ءبىراق ءسىز الەمدە ادامداردان بولەك جان- جانۋارلاردىڭ دا باي تۇراتىنىن بىلەسىز بە؟ ەگەر ەستىمەگەن بولساڭىز، سىزگە الەمدەگى ەڭ باي ءيت تۋراسىندا اڭگىمەلەپ بەرەمىز.

1992 -جىلى نەمىس گرافينى كارلوتتا ليبەنشتەين ءوزىنىڭ نەمىس تۇقىمدى يتىنە گيۋنتەر Ⅲ دەگەن ات بەرەدى. تەك اتىن اتاپ قانا قويماي، يتىنە بار بايلىعىن قالدىرادى. كەيىن بۇل بايلىق تالان- تاراجعا تۇسپەي، گيۋنتەر IV كە تابىستالادى. بىرنەشە جىل وتكەن سوڭ بريتانيانىڭ «سان» باسىلىمى الەمدەگى ەڭ ەڭ باي جانۋارلار تۋرالى ماقالا جاريالايدى. وندا يەلەرىنىڭ بايلىعىن يەمدەنگەن جان- جانۋارلار ءتىزىمى ساراپقا سالىنعان.

ال ءبىز ايتىپ وتىرعان گيۋنتەر IV نەمىس تۇقىمدى ءيتى وسى ءتىزىمنىڭ كوشىن باستاپ تۇردى. ونىڭ سىرت بەينەسى مەن تەكتىلىگى باعالاۋ كەزىندە 100 ميلليون ا ق ش دوللارىنا تەڭ كەلگەن. ال بۇل - قوماقتى اقشا. سوندىقتان بارلىق ب ا ق جارىسىپ جازا باستادى. دەگەنمەن اقىلعا قونىمسىز اقشانى ءتۇرلى باعىتتا جازا باستاعان گازەت بەتتەرى «بۇل جاي عانا جارناما ءۇشىن» دەپ سەنىمسىزدىك تانىتا باستادى. ءبىراق 1999 -جىلى «اقسۇيەك» اتانىپ كەتكەن گيۋنتەر IV جىلجىمايتىن مۇلىكتەردى قورعاۋ بويىنشا وپەراتسياعا قاتىسىپ ءوزىنىڭ تانىمالدىعىن راستايدى.

ول عانا ەمەس، ەڭ باي ءيت ايگىلى اكتەر سيلۆەستەر ستاللونعا ءوزىنىڭ 25 ميلليون دوللار تۇراتىن سارايىن سەنىم حاتى ارقىلى بەرىپ، الەمدى ءدۇر سىلكىندىرەدى. وكىنىشكە وراي كەلىسسوزدەر دۇرىس جۇرمەي، اقشا دالاعا كەتەدى. ءبىراق ميلليونەر ءيت بۇعان قام جەگەن جوق. سەبەبى ءالى دە وزىندە قالعان اقشاسىمەن مادوننانىڭ سارايىن پانالاپ، اقشاسىن سەنىم حات ارقىلى انشىگە اۋدارىپ وتىرعان.

گيۋنتەر IV نەمىس تۇقىمدى ءيتىنىڭ اقشاسى جىل سايىن ءوسىپ وتىردى. سوڭعى ەسەپ بويىنشا ونىڭ ەسەپ شوتىنداعى اقشا 370 ميلليون دوللارعا جەتكەن. قالاي بولعاندا دا، ءالى كۇنگە دەيىن داۋ كوپ. ب ا ق بەتتەرى مۇنى ءالى دە بولسا جارناما دەۋدەن شارشامايدى. وعان نەگىزگى سەبەپ، باي انشىلەر مەن اكتەرلەردىڭ وزدەرىنە نازار اۋدارتۋى ءۇشىن دەپ سانايدى. ءبىراق گيۋنتەر IV نەمىس تۇقىمدى ءيتىنىڭ الەمدەگى ەڭ باي يت ەكەنى شىندىق. ەستىمەگەن ەلدە كوپ.. .

Massaget.kz